వివాదాస్పద దర్శకుడు రామ్ గోపాల్ వర్మ ‘కరోనా వైరస్’ సినిమా రూపొందిస్తోన్న విషయం తెలిసిందే. ఇప్పటికే ఈ సినిమా ట్రైలర్ ను ఆయన విడుదల చేశారు. తాజాగా, ఆయన ఈ సినిమా నుంచి ట్రైలర్-2ను విడుదల చేశారు. కరోనా విజృంభణతో ఓ కుటుంబ సభ్యులు ఎలా భయపడిపోతున్నారో ఇందులో చూపించారు.
‘కరోనా ఎఫెక్ట్‌ ఉంది కదా ఎప్పుడు.. ఎక్కడ.. ఎవరి నుంచి ఎవరికి.. ఎలా వస్తుందో తెలియటం లేదు. కాబట్టి నాకు చెప్పకుండా ఎవరు బయటకు వెళ్లేది లేదు.. అని కుటుంబ పెద్ద డైలాగుతో ట్రైలర్ మొదలవుతుంది. ‘60-70 ఏళ్ల మధ్య ఉన్న వాళ్లకు మాత్రమే కరోనా వస్తుందనడం కరెక్ట్‌ కాదు. 25 ఏళ్ల అబ్బాయి కూడా చచ్చిపోయాడంట.. ఇంకా ఆయన మాటలు వింటే గోవిందా.. గోవిందా’ అనే మరో డైలాగ్‌తో ఈ ట్రైలర్ ముగుస్తుంది. కరోనా పేషెంట్లు దగ్గినట్లుగా భారీ శబ్దంతో కూడిన బ్యాక్ గ్రౌండ్‌ స్కోర్‌ సినిమాపై ఆసక్తి పెంచుతోంది. ఇక ఈ మూవీ డిసెంబర్‌ 11న విడుదల కానున్నట్లు యూనిట్ ప్రకటించింది. https://www.youtube.com/embed/2J_LpP0U-_8