సూర్య హీరోగా సుధా కొంగర దర్శకత్వంలో రూపొందిన చిత్రం ‘సూర‌రై పోట్రు’ తెలుగులో ఈ చిత్రం ‘ఆకాశం నీ హద్దురా’ పేరుతో విడుదల అయ్యింది. థియేటర్స్ మూతపడడం తో ఈ చిత్రాన్ని ఓటీటీ మాధ్య‌మం అమెజాన్ ప్రైమ్‌లో నవంబర్‌ 12 న విడుదల అయ్యి సూపర్ హిట్ టాక్ సొంతం చేసుకుంది. అపర్ణ బాల ముర‌ళి హీరోయిన్‌గా న‌టించారు. ఎయిర్ డెక్క‌న్ అధినేత గోపీనాథ్ జీవిత‌గాథ‌ను ఆధారంగా చేసుకుని రూపొందిన చిత్ర‌మిది. క‌లెక్ష‌న్‌కింగ్ మోహ‌న్‌బాబు ఇందులో కీల‌క పాత్ర‌లో న‌టించారు. జి.వి.ప్రకాష్ కుమార్ సంగీతం, నికేత్ బొమ్మిరెడ్డి సినిమాటోగ్రఫీ అందించారు.
చాలా కాలంగా మంచి సినిమా కోసం ఎదురుచూస్తున్న ప్రేక్షకులకు ఈ సినిమా తో ఆ ఆశ తీరింది. అయితే, అది డబ్బింగ్ సినిమా కావడం కొంత నిరాశ అయినా, కరోనా వేళలో ఒటీటీ బాటలో వచ్చిన ఓ మంచి చిత్రంగా ఇది నిలిచింది. ఈ సినిమా చూసిన అభిమానులతో పాటు సినీ ప్రముఖులు సినిమా ఫై ప్రశంసలు కురిపించడమే కాదు ఇందులో నటించిన ప్రతి ఒక్కరి నటనను ఆకాశానికి ఎత్తేస్తున్నారు. ఇప్పటికే పలువురు సినీ స్టార్స్ ఈ సినిమా గురించి స్పందించగా..తాజాగా సమంత ఈ సినిమా పట్ల ట్వీట్స్ చేసింది. ” ఫిల్మ్‌ ఆఫ్‌ ది ఇయర్‌. ఈ సినిమా ఓ ఆణిముత్యం. సుధా కొంగర డైరెక్షన్‌ అమేజింగ్. సూర్య, అపర్ణ యాక్టింగ్‌ అద్భుతం. నాకు అవసరమైన ప్రేరణ, స్ఫూర్తి ఈ సినిమాలో ఉన్నాయి” అని సమంత ట్వీట్‌ చేసింది.