దర్శక ధీరుడు రాజమౌళి – యంగ్ రెబెల్ స్టార్ ప్రభాస్ కలయికలో మూడు సినిమాలు వచ్చాయి. ముందుగా ఛత్రపతి చిత్రం వచ్చి..ప్రభాస్ ను మాస్ ప్రేక్షకులకు దగ్గర చేసింది. ఈ సినిమా తర్వాత ప్రభాస్ కు మాస్ ఫాలోయింగ్ పెరగడమే కాదు బాక్స్ ఆఫీస్ దగ్గర తన సత్తా కూడా పెరిగింది. ఆ తర్వాత రాజమౌళి – ప్రభాస్ కానుకలో బాహుబలి , బాహుబలి 2 చిత్రాలు వచ్చాయి. ఈ రెండు చిత్రాలు ప్రభాస్ ను ఏకంగా స్టార్ హీరో ను చేయడమే కాదు బాలీవుడ్ దర్శక ,నిర్మాతలు సైతం ప్రభాస్ ఇంటి ముందు క్యూ కట్టే విధంగా చేసాయి.
బాహుబలి తో వచ్చిన గుర్తింపు తో..ప్రస్తుతం ప్రభాస్ వరుస పాన్ మూవీస్ లలో నటిస్తున్నాడు. ఇదిలా ఉంటె తాజాగా రాజమౌళి కి ప్రభాస్ తో మరో సినిమా చేస్తారా అనే ప్రశ్న ఎదురైంది. ఈ ప్రశ్న వినగానే రాజమౌళి బెదిరిపోయాడు. బాహుబలి కోసం ఇద్దరం సుమారు ఐదేళ్లు కలిసి చేశాం. మళ్లీ మా కాంబినేషన్‌లో సినిమా అంటే జనాలు తలలు పట్టుకుంటారేమో’ అని అని రాజమౌళి సరదాగా కామెంట్ చేశారు. ప్రభాస్‌తో మళ్లీ సినిమా చేయడం తనకూ ఇష్టమేనని, మంచి కథ కుదిరితే కచ్చితంగా చేస్తానని రాజమౌళి చెప్పుకొచ్చాడు.