చిత్రసీమలో డాన్స్ మాస్టర్ లు డైరెక్టర్లు గా మారిన విషయం తెలిసిందే. ప్రభుదేవా, లారెన్స్ , అమ్మ రాజశేఖర్ , ఫరాఖాన్ మొదలగు డాన్స్ మాస్టర్ లు డైరెక్టర్లు గా మారి తమ అదృష్టాన్ని పరీక్షించుకున్నారు. కాగా ఇప్పుడు వీరి జాబితాలో చేరాలని యువ డాన్స్ మాస్టర్ జానీ ట్రై చేస్తున్నారు. అంతే కాదు తన మొదటి సినిమానే పవన్ కళ్యాణ్ ను డైరెక్ట్ చేయాలనీ కోరికగా ఉందని గతంలో తెలిపాడు.
తాజాగా ఇప్పుడు జానీ కోరిక తీరబోతుందని ఫిలిం సర్కిల్లో వార్తలు వినిపిస్తున్నాయి. జానీ మాస్టర్ దర్శకత్వంలో నటించడానికి పవన్ కళ్యాణ్ పచ్చజెండా ఊపేశారట. పవన్ కళ్యాణ్ కోసం ఒక కథను సిద్ధం చేసిన జానీ మాస్టర్ ఇటీవలే ఆ కథను పవర్ స్టార్‌కు నెరేట్ చేశారని ఇండస్ట్రీ వర్గాల సమాచారం. ఈ కథ విన్న పవన్ కళ్యాణ్ సినిమా చేయడానికి అంగీకరించారని అంటున్నారు. పవన్ ఓకే చేయడంతో ఈ కథను రామ్ చరణ్‌కు కూడా వినిపించారట జానీ. చరణ్‌కు కూడా ఈ కథ నచ్చడంతో ఆయనే స్వయంగా కొణిదెల ప్రొడక్షన్ కంపెనీ బ్యానర్‌లో ఈ సినిమాను నిర్మిస్తానని జానీకి హామీ ఇచ్చారని టాక్. మరి ఈ వార్తల్లో ఎంత నిజం ఉందొ కానీ ప్రస్తుతం మాత్రం సోషల్ మీడియా లో తెగ చక్కర్లు కొడుతున్నాయి.