ప్రభాస్ – రాజమౌళి కలయికలో వచ్చిన ఛత్రపతి చిత్రం ఎంత పెద్ద హిట్ అయ్యిందో తెలియంది కాదు. ప్రభాస్ ను అసలైన మాస్ హీరోగా పరిచయం చేసింది ఈ చిత్రం. అలాంటి బ్లాక్ బస్టర్ చిత్రాన్ని హిందీ లో రీమేక్ చేయబోతున్నారు. రాక్ష‌సుడు సినిమాతో మంచి హిట్ అందుకున్న బెల్లంకొండ సాయి శ్రీనివాస్ ప్ర‌స్తుతం రాజమౌళి తెర‌కెక్కించిన ఛత్రపతి చిత్రాన్ని హిందీ రీమేక్ నటించబోతున్నాడు. హిందీ ఆడియెన్స్ ను ఆక‌ట్టుకునేలా స్క్రిప్ట్ వ‌ర్క్ ను మారుస్తున్నార‌ట విజ‌యేంద్ర‌ప్ర‌సాద్. మొన్నటి వరకు ఈ రీమేక్ ను సాహో డైరెక్టర్ సుజిత్ డైరెక్ట్ చేయబోతున్నారని ప్రచారం జరుగగా..అందులో ఏమాత్రం లేదని..ఈ రీమేక్ బాధ్యత వినాయక్ చేతికి అప్పజెప్పారని తెలుస్తుంది.
క‌మ‌ర్షియ‌ల్ ఎలిమెంట్స్ తో కంప్లీట్ ఎంట‌ర్ టైన‌ర్ గా ఈ చిత్రం ఆడియెన్స్ ను అల‌రించేలా డిజైన్ చేయ‌నున్నారు. ప్ర‌ముఖ బాలీవుడ్ నిర్మాణ సంస్థ పెయిన్ ఇండియా ఈ రీమేక్ నిర్మాణ బాధ్య‌త‌లు తీసుకోనుంది.