బిచ్చగాడు చిత్రం తో తెలుగు ప్రేక్షకులకు బాగా దగ్గరైన విజయ్ ఆంటొని..ఈ సినిమా తర్వాత పలు సినిమాలతో ప్రేక్షకుల ముందుకు వచ్చినప్పటికీ పెద్దగా అలరించలేకపోయాడు. కాస్త గ్యాప్ తర్వాత మెగా టైటిల్ ను నమ్ముకొని రాబోతున్నాడు.
ప్రస్తుతం విజయ్ ‘జ్వాల’ సినిమాతో. తెలుగు, త‌మిళ ప్రేక్షకుల ముందుకు రాబోతున్నాడు. ఈ చిత్రాన్ని న‌వీన్ ఎం డైరెక్ట్ చేయగా.. అమ్మ క్రియేష‌న్స్ బ్యాన‌ర్ పై టీ శివ నిర్మిస్తున్నారు. ఈ చిత్రంలో నాజ‌ర్‌, అక్ష‌ర హాస‌న్‌, ప్ర‌కాశ్ రాజ్ ఇత‌ర కీల‌క పాత్ర‌ల్లో న‌టిస్తున్నారు. తాజాగా ఈ సినిమా తాలూకా ఫస్ట్ లుక్ ను విడుదల చేసారు. న‌ట‌రాజ‌న్ శంక‌ర‌న్ మ్యూజిక్ డైరెక్ట‌ర్‌.. ఈ సినిమాకు చిరంజీవి సూపర్ హిట్ మూవీ టైటిల్‌ను వాడుకున్నారు. విజయ్ ఆంటొని కెరీర్‌లోనే భారీ బడ్జెట్‌తో రూపొందుతోన్న చిత్రమిది. దాదాపు రూ. 25 కోట్ల బడ్జెట్‌ కేటాయించారు. మరి మెగా టైటిల్ తో తో రాబోతున్న విజయ్ మెగా విజయం అందుకుంటాడో లేదో చూడాలి.