పవర్‌స్టార్ పవన్ కల్యాణ్ వకీల్ సాబ్ సినిమాతో వెండితెర పునరాగమనం చేయబోతున్నారు. హిందీ (పింక్), తమిళ్ (నేర్కొండపార్వై) భాషల్లో చిత్రాన్ని నిర్మించిన బోనీ కపూర్, దిల్ రాజుతో కలిసి నిర్మిస్తుండగా.. వేణు శ్రీరామ్ డైరెక్ట్ చేస్తున్నాడు. అంజలి, నివేదా థామస్, అనన్య నాగళ్ల, ప్రకాష్ రాజ్ కీలక పాత్రల్లో నటిస్తున్నారు. లాక్ డౌన్ కు ముందు దాదాపు 70 % షూటింగ్ పూర్తి చేసుకోగా..లాక్ డౌన్ అనంతరం రీసెంట్ గా ఈ మూవీ షూటింగ్ మొదలయింది.
కాగా మొన్నటి వరకు వచ్చే ఏడాది సంక్రాంతికి ఈ సినిమా విడుదలవుతుందని ప్రచారం జరిగింది. అయితే అది సాధ్యం కాదని ఫిలిం నగర్ వర్గాలు అంటున్నారు. ఇంకా షూటింగ్ ఎక్కువ ఉండడం తో అది పూర్తి చేసుకొని , పోస్ట్ ప్రొడక్షన్ పూర్తి కావాలంటే ఇంకాస్త టైం పడుతుందంట. అందుకే ఈ సినిమా సంక్రాంతి బరిలో రావడం కష్టమే అంటున్నారు. వేసవి సందర్భంగా వచ్చే ఏడాది ఏప్రిల్‌లో సినిమాను విడుదల చేయాలని నిర్మాత దిల్ రాజు భావిస్తున్నారట.