దీపావళి సంబరాలను సినీ ప్రముఖులు ఎప్పటిమాదిరిగానే గ్రాండ్ గా జరుపుకున్నారు. వారి వారి కుటుంబ సభ్యుల మధ్య ఎంతో ఆనందంగా జరుపుకొని ఆ విశేషాలను సోషల్ మీడియా ద్వారా అభిమానులతో పంచుకున్నారు. అయితే ఈ సారి మంచు ఫ్యామిలీ తో మెగా ఫ్యామిలీ జత కలిసింది.
మంచు ఫ్యామిలీలో జరిగిన దీపావళి వేడుకల్లో మెగా పవర్‌స్టార్ రామ్ చరణ్ పాల్గొన్నారు. ఈ విషయాన్ని మంచు మనోజ్‌ సోషల్ మీడియాలో చెప్పుకొచ్చారు. నాకు ఎంతో ఇష్టమైన సోదరుడు రామ్ చరణ్, ఇష్టమైన అక్క మంచు లక్ష్మితో మంచి సమయం గడిచింది. దీపావళి ఫెస్టివల్‌ని నాకు ఇష్టమైన వారితో జరుపుకున్నా అని కామెంట్ పెట్టారు. ఈ సందర్భంగా ఓ ఫొటోను కూడా షేర్ చేసుకున్నారు. కాగా రామ్ చరణ్ ప్రస్తుతం ఆర్‌ఆర్‌ఆర్‌లో నటిస్తుండగా, చిరంజీవి ఆచార్యలోనూ కనిపించనున్నారు. మరోవైపు మనోజ్‌, శ్రీకాంత్ రెడ్డి దర్శకత్వంలో అహం బ్రహ్మాస్మి అనే సినిమాలో నటిస్తున్నాడు.