సూర్య హీరోగా సుధా కొంగర దర్శకత్వంలో రూపొందిన చిత్రం ‘సూర‌రై పోట్రు’ తెలుగులో ఈ చిత్రం ‘ఆకాశం నీ హ‌ద్దురా’ పేరుతో విడుదల అయ్యింది. థియేటర్స్ మూతపడడం తో ఈ చిత్రాన్ని ఓటీటీ మాధ్య‌మం అమెజాన్ ప్రైమ్‌లో నవంబర్‌ 12 విడుదల అయ్యింది. అప‌ర్ణ బాల ముర‌ళి హీరోయిన్‌గా న‌టించారు. ఎయిర్ డెక్క‌న్ అధినేత గోపీనాథ్ జీవిత‌గాథ‌ను ఆధారంగా చేసుకుని రూపొందిన చిత్ర‌మిది. క‌లెక్ష‌న్‌కింగ్ మోహ‌న్‌బాబు ఇందులో కీల‌క పాత్ర‌లో న‌టించారు. జి.వి.ప్రకాష్ కుమార్ సంగీతం, నికేత్ బొమ్మిరెడ్డి సినిమాటోగ్రఫీ అందించారు. చాలా కాలంగా మంచి సినిమా కోసం ఎదురుచూస్తున్న ప్రేక్షకులకు ఈ సినిమా తో ఆ ఆశ తీరింది.
ఈ సినిమా పట్ల సినీ ప్రేక్ష‌కులు, సెల‌బ్రిటీలు, విమ‌ర్శ‌కుల ప్రశంసలు పొందుతుంది. వెంక‌టేష్‌, మాధ‌వ‌న్, మోహ‌న్ బాబు త‌దిత‌ర సెల‌బ్రిటీలు ఈ చిత్రాన్ని ఆకాశానికి ఎత్తారు. తాజాగా మెగా హీరో సాయి తేజ్ స్ట‌న్నింగ్ కామెంట్స్ చేశాడు. సూర్య, అపర్ణా బాలమురళీ ప్ర‌ధాన పాత్ర‌ల‌లో తెర‌కెక్కిన ఈ చిత్రం చాలా బాగుందని కొనియాడారు సాయి ధ‌ర‌మ్ తేజ్ . తాజాగా ఈ చిత్రాన్ని వీక్షించిన తేజూ.. అంకిత భావ ఉంటే ప్ర‌పంచంలో ఏదైన సాధించ‌గ‌లం. క‌ల‌ల‌ను నిజం చేసుకోగ‌లం. ఈ చిత్రం అది నిరూపించింది. సూర్య న‌ట‌న సూప‌ర్బ్. మీ నుండి ఎంతో నేర్చుకోవాలి. మీకు, అప‌ర్ణాల మ‌ధ్య కెమిస్ట్రీ బాగుంది. ఇలాంటి మంచి చిత్రాన్ని అందించినందుకు ద‌ర్శ‌కురాలు సుధా కొంగ‌ర‌కు కృత‌జ్ఞ‌త‌లు అని పేర్కొన్నారు.