నందమూరి బాలకృష్ణ ఈ వయసు లో కూడా యంగ్ హీరోలకు పోటీ ఇస్తూ వస్తున్నాడు. హిట్ , ప్లాప్ లతో సంబంధం లేకుండా వరుస సినిమాలు చేస్తున్నాడు. ప్రస్తుతం బోయపాటి శ్రీను డైరెక్షన్లో ఓ మూవీ చేస్తున్నాడు. రీసెంట్ గా ఈ చిత్ర షూటింగ్ హైదరాబాద్ లో మొదలైంది.
ఇక ఇదిలా ఉంటె తాజాగా బాలయ్య యంగ్ హీరో సినిమాలో గెస్ట్ రోల్ చేసేందుకు ఓకే చెప్పినట్లు ఫిలిం సర్కిల్లో వార్తలు చక్కర్లు కొడుతున్నాయి. 8 ఏళ్ల కింద మంచు మనోజ్ హీరోగా వచ్చిన ఊ కొడతారా ఉలిక్కి పడతారా సినిమాలో ముఖ్యమైన పాత్ర చేశాడు. అందులో బాలయ్య క్యారెక్టర్ కు మంచి రెస్పాన్స్ వచ్చింది. సినిమా ఫ్లాప్ అయినా కూడా బాలకృష్ణ పాత్ర మాత్రం బ్లాక్ బస్టర్ అయింది. అదే నమ్మకంతో ఇప్పుడు నాగ శౌర్య సినిమాలో గెస్ట్ రోల్ చేసేందుకు ఓకే చెప్పాడట. నిర్మాత శివలెంక కృష్ణ ప్రసాద్ నిర్మాణంలో నాగ శౌర్య ఓ మూవీ చేస్తున్నాడు. గతంలో బాలయ్యతో ఆదిత్య 369 లాంటి బ్లాక్ బస్టర్ సినిమా నిర్మించాడు. ఆ తర్వాత వంశానికొక్కడు సినిమా చేశాడు. మిత్రుడు కూడా ఇదే బ్యానర్ లో వచ్చింది. దాంతో బాలయ్యకు కృష్ణ ప్రసాద్ కు మంచి స్నేహ బంధం ఉంది.
అదే సాన్నిహిత్యంతో ఇప్పుడు నాగ శౌర్య సినిమాలో కీలక పాత్ర చేయడానికి ఒప్పుకున్నట్లు ప్రచారం జరుగుతుంది. దానికి తోడు కథ మలుపు తిప్పే పాత్ర కావడం.. పవర్ ఫుల్ రోల్ కావడంతో బాలయ్య నో చెప్పలేకపోయాడు. త్వరలోనే దీనికి సంబంధించిన పూర్తి వివరాలు బయటకు రానున్నాయి.