గత కొంతకాలంగా హిట్ కోసం వేయికళ్లతో ఎదురుచూస్తున్న హీరో సూర్య..ఎట్టకేలకు ఆకాశమే నీ హద్దురా చిత్రంతో సూపర్ హిట్ అందుకున్నాడు. గురు ఫేమ్ సుధా కొంగ డైరెక్ట్ చేసిన ఈ మూవీ అమెజాన్ ప్రైమ్ లో దీపావళి కానుకగా నవంబర్ 12 న విడుదలై హిట్ టాక్ సొంతం చేసుకుంది. సినిమా కు పాజిటివ్ రిపోర్ట్ రావడం తో చిత్ర యూనిట్ తో పాటు అభిమానులు సంబరాలు చేసుకుంటున్నారు.
ఇదిలా ఉంటె..తాజాగా సూర్య గౌతమ్ మీనన్ డైరెక్షన్లో ఓ సినిమా చేసేందుకు డిసైడ్ అయ్యాడు. అది కూడా తన భార్య నటి జ్యోతిక తో కలిసి. సూర్యను పెళ్లి చేసుకున్న తర్వాత జ్యోతిక చాలా కాలం సినిమాలకు దూరమైంది. మళ్లీ ఇటీవలె రీ ఎంట్రీ ఇచ్చి వరుసగా లేడీ ఓరియెంటెడ్ సినిమాలు చేస్తోంది. త్వరలోనే భర్త సూర్యతో కలిసి నటించేందుకు జ్యోతిక సిద్దమవుతుంది. ఇక గౌతమ్ – సూర్య కలయికలో గతంలో ‘కాక్క కాక్క’, ‘సూర్య సన్నాఫ్ కృష్ణన్’ వంటి హిట్ చిత్రాలు వచ్చాయి. ఇప్పుడు మరోసారి వీరిద్దరి కాంబో అనగానే ఆసక్తి పెరిగింది. దీపావళి తర్వాత ఇది ప్రారంభం కావచ్చని తెలుస్తోంది.