కమెడియన్ సుహాస్ హీరోగా చాందిని చౌదరి హీరోయిన్ గా రూపొందిన కలర్ ఫోటో సినిమా రేపు ఆహ ద్వారా విడుదల అవ్వాల్సి ఉంది. కానీ కొన్ని కారణాల వల్ల ఆ సినిమాను వాయిదా వేస్తున్నట్లు గా చిత్ర యూనిట్ సభ్యులు అధికారికంగా ప్రకటించారు. ఈ విషయాన్ని వారు సోషల్ మీడియా ద్వారా వెల్లడించారు. ప్రస్తుతం ఈ సినిమాకు సంబంధించిన పోస్ట్‌ ప్రొడక్షన్ వర్క్ చివరి దశలో ఉందని హడావుడిగా కాకుండా సినిమాను మెల్లగా పూర్తి చేయాలనే ఉద్దేశంతో ఈ సినిమాను వాయిదా వేస్తున్నట్లు నిర్మాత సాయి రాజేష్ పేర్కొన్నారు.
చిన్న సినిమా అయినప్పటికీ దీనిపై అంచనాలు భారీగా ఉన్నాయి. కామెడీతో పాటు ఎమోషనల్ లవ్ స్టోరీ ఈ సినిమాలో ఉంటుందని ప్రోమో చూస్తే అర్థం అవుతుంది. ఈ సినిమా సుహాస్ మరియు చాందిని చౌదరి లకు కీలకంగా మారింది. వారిద్దరి సినీ కెరియర్ మరో రెండు మూడు అడుగులు పైకి ఎదగాలి అంటే ఈ సినిమా సూపర్ హిట్ అవ్వాల్సి ఉంది. కోటి రూపాయల లోపు బడ్జెట్ తో తీసిన ఈ సినిమాను విడుదల చేసేందుకు అల్లు అరవింద్ ముందుకు వచ్చాడు. నిర్మాత పెట్టిన బడ్జెట్ దాదాపు రెట్టింపు మొత్తంలో ఇచ్చేందుకు గాను ఆహా ద్వారా అల్లు అరవింద్ సిద్ధం అయ్యారు.
కచ్చితంగా ఈ సినిమా ఆహా ప్రేక్షకులను ఎంటర్టైన్ చేస్తుందని ఆయన భావిస్తున్నారు. వాయిదా పడ్డ ఈ సినిమాను దసరా కానుకగా ఇదే నెలలో 23 వ తారీఖున విడుదల చేయాలని నిర్ణయించారు. అందుకు సంబంధించి అధికారిక ప్రకటన కూడా వచ్చేసింది. ఎంతో ఆసక్తిగా ఎదురు చూస్తున్న కలర్ ఫోటో సినిమా ప్రేక్షకులను ఎలా మెప్పిస్తుంది అనేది చూడాలంటే మరి కొన్ని రోజులు వెయిట్ చేయాల్సిందే.