రామ్ చరణ్ బర్త్ డే కు ముందు ఎన్టీఆర్ ట్విట్టర్లో ఆసక్తికర ట్వీట్ ఒకటి చేసిన విషయం తెలిసిందే. ఆ ట్వీట్ లో రామ్ చరణ్ అభిమానులను సర్‌ ప్రైజ్‌ చేయబోతున్నట్లు గా ఎన్టీఆర్ చెప్పాడు. ఖచ్చితంగా అభిమానులకు సర్‌ ప్రైజింగ్‌ గా ఉంటుందని ఆసక్తి రేకెత్తించాడు. అన్నట్లుగానే రామ్ చరణ్ బర్త్ డే కు ఎన్టీఆర్ వాయిస్ ఓవర్ తో ఒక వీడియో వచ్చింది. ఆ వీడియోకు ఎన్టీఆర్ వాయిస్ హైలెట్ అయ్యింది అనడంలో ఎలాంటి సందేహం లేదు.
రామ్ చరణ్ తో పాటు ఎన్టీఆర్ వాయిస్ ఆ వీడియోకు హైలెట్ గా నిలిచాయి. ఇప్పుడు అదే మాదిరిగా ఎన్టీఆర్ కోసం రామ్ చరణ్ కూడా వాయిస్ ఓవర్ ఇచ్చేందుకు సిద్ధమవుతున్నాడు. ఎన్టీఆర్ ఐదు భాషల్లో వాయిస్ ఓవర్ ఇవ్వగా రామ్ చరణ్ ఎన్ని భాషల్లో వాయిస్ ఇస్తాడు అనేది ప్రస్తుతం చర్చనీయాంశంగా ఉంది. ఈ నెల 22వ తారీఖున రామ్ చరణ్ వాయిస్ ఓవర్ తో ఎన్టీఆర్ కొమరం భీమ్ వీడియో రాబోతుంది.
ఎన్టీఆర్ మేకింగ్ వీడియో చిత్రీకరణ జరుగుతోంది. అభిమానుల తో పాటు యావత్ తెలుగు ప్రేక్షకులను మరియు అన్ని వర్గాల ప్రేక్షకులు కూడా ఈ వీడియో కోసం ఎదురుచూస్తున్నారు. అందరి అంచనాలను అందుకునేలా రామ్ చరణ్ ఎన్టీఆర్ మేకింగ్ వీడియోను మరియు ఫస్ట్ లుక్ ను విడుదల చేస్తాడు అంటూ నందమూరి అభిమానులు చాలా నమ్మకంతో వెయిట్ చేస్తున్నారు.
ప్రస్తుతం సినిమాకు సంబంధించిన షూటింగ్ హైదరాబాద్ శివార్లలోని అల్యూమినియం ఫ్యాక్టరీలో జరుగుతున్న విషయం తెలిసిందే. నిన్నటి నుండి జరుగుతున్న షూటింగ్ అందరి దృష్టిని ఆకర్షిస్తోంది. ఏడు నెలల సుదీర్ఘ విరామం తీసుకున్న తర్వాత నిన్న షూటింగ్ సెట్ కు వెళ్ళిన యూనిట్ సభ్యులకు ఇలాంటి అనుభవం ఎదురైంది అనేది వీడియో లో అద్భుతంగా చిత్రీకరించి విడుదల చేశారు. ఆ వీడియో నెట్ లో వైరల్ అవుతుంది