బాలీవుడ్ తో పాటు దేశవ్యాప్తంగా సినీ ప్రముఖుల్లో హాట్ టాపిక్ గా నిలిచిన డ్రగ్స్ కేసులో టాలీవుడ్ స్టార్ హీరో మహేష్ బాబు భార్య నమ్రతా శిరోద్కర్ ఉన్నట్లుగా జాతీయ మీడియాలో కథనాలు రావడంతో సంచలనం రేపుతోంది. ఆ కథనం మేరకు త్వరలోనే నమ్రతకు ఎన్‌సీబీ అధికారులు డ్రగ్స్ కేసులో విచారణకు హాజరు కావాల్సిందిగా సమన్లు జారీ చేసే అవకాశం ఉంది.
ఇప్పటికే బాలీవుడ్ స్టార్ హీరోయిన్ దీపిక పడుకొనే తో పాటు మొత్తం 25 మందికి నోటీసు ఇచ్చేందుకు అధికారులు రెడీ అయినట్టు గా సమాచారం. జాతీయ మీడియాలో వస్తున్న వార్తలను మేరకు ఆ జాబితాలో నమ్రత కూడా ఉన్నట్లుగా తెలుస్తోంది. అయితే ఇప్పటికే ఆ వార్తలను కొట్టి పారేసింది. ఎలాంటి సంబంధం లేదని వారు క్లారిటీ ఇచ్చారు. టాలీవుడ్ వర్గాల వారు కూడా నమ్రత విషయంలో చాలా నమ్మకం గా కనిపిస్తున్నారు. ఖచ్చితంగా ఈ కేసులో ఆమె కు సంబంధం ఉండదని అంటున్నారు.
ఆమె వ్యక్తిగతంగా చాలా మంచిది అంటూ ఆమెతో పరిచయం ఉన్న వాళ్ళు చాలా మంది చెబుతున్నారు. అలాంటి ఆవిడ పై ఇలాంటి ఆరోపణలు దారుణం అన్నట్లుగా వ్యాఖ్యలు చేస్తున్నారు. జాతీయ మీడియాలో వచ్చిన వార్తలు ఏ మేరకు నిజం అనేది చూడాల్సి ఉంది. ఒకవేళ ఈ కేసులో నమ్రతకు నోటీసులు వచ్చినా కూడా ఆమె విచారణకు హాజరై తన నిర్దోషిత్వాన్ని నిరూపించుకునే ఉందని అభిమానులు ధీమా వ్యక్తం చేస్తున్నారు.