టాలీవుడ్ స్టార్ హీరోలు గుండు లో కనిపించడం చాలా అరుదు. అభిమానులు ఒప్పుకోరు అనే ఉద్దేశంతో స్టార్ హీరోలు ఎవరు కూడా గుండు లో నటించేందుకు ఆసక్తి చూపించరు. పైగా తెలుగు హీరోలు కొందరు తమ అందం విషయంలో చాలా జాగ్రత్తలు తీసుకుంటారు. గుండుతో కనిపించడం వల్ల ఆంటీ అభిమానులు ట్రోల్‌ చేస్తారనే భయంతో కూడా కొందరు గుండుతో కనిపించేందుకు ఆసక్తి చూపించరు. కానీ ఈ మధ్య కాలంలో హీరోలు తమ ఆలోచనా విధానాన్ని మార్చుకున్నట్లుగా అనిపిస్తుంది. ఇటీవలే మెగాస్టార్ చిరంజీవి తన రాబోయే సినిమా కోసం గుండు మేకప్ ను ట్రై చేశాడు.
గుండు మేకప్ తో ఇప్పటికే చిరంజీవి విడుదల చేసిన ఫొటో అందరికీ షాక్‌ ఇచ్చాడు. త్వరలోనే గుండుతో రౌడీ స్టార్ విజయ్ దేవరకొండ కనిపించే అవకాశం ఉందని సినీ వర్గాల్లో గుసగుసలు వినిపిస్తున్నాయి. పూరి జగన్నాథ్ సినిమా కోసం విజయ్ దేవరకొండ గుండు గా కనిపిస్తాడని తెలుస్తోంది. సినిమాకు చాలా కీలకమైన కొన్ని సన్నివేశాల్లో విజయ్ దేవరకొండ గుండుతో కనిపించడంతో పాటు చాలా బోల్డ్ గా కూడా కనిపిస్తాడు అనేది సినీ వర్గాల టాక్.
అర్జున్ రెడ్డి తో పాటు ఇతర సినిమాల్లో చాలా జుట్టుతో గడ్డంతో కనిపించిన విజయ్ దేవరకొండ ఈసారి మాత్రం గుండుతో కనిపిస్తాడు అంటూ వార్తలు వస్తున్న నేపథ్యంలో ఆయన అభిమానులు మరియు సినీ వర్గాల వారు ఆసక్తిగా ఎదురు చూస్తున్నారు. ఆయన లేడీ ఫ్యాన్స్ మాత్రం రౌడీ స్టార్ ను గుండుతో చూడలేము బాబోయ్ అంటూ కళ్ళు మూసుకున్నారు. మరి ఇది నిజమే అయితే వారు థియేటర్లో ఎలా రియాక్ట్ అవుతారో చూడాలి. కరోనా కారణంగా ఆరు ఏడు నెలల క్రితం ఆగిపోయిన పూరి జగన్నాథ్ విజయ్ దేవరకొండ ల సినిమా షూటింగ్ మళ్లీ వచ్చే నెలలో పునః ప్రారంభం కాబోతున్నట్లుగా సమాచారం అందుతోంది.
ఈ సినిమాలో బాలీవుడ్ స్టార్ హీరోయిన్ అనన్య పాండే విజయ్ దేవరకొండ కు జోడిగా నటిస్తున్న విషయం తెలిసిందే. ఈ సినిమాకు సంబంధించిన ఫస్ట్ లుక్ ను విడుదల చేసేందుకు ఏర్పాట్లు చేస్తున్నాడు. సినిమా షూటింగు ఈ ఏడాది చివరి వరకు లేదా వచ్చే ఏడాది జనవరి లేదా ఫిబ్రవరిలో ఈ సినిమా సమ్మర్లో విడుదల చేయాలని పూరి భావిస్తున్నాడు. వరుసగా ప్లాపుల్లో ఉన్న విజయ్ దేవరకొండ కు ఈ సినిమా సూపర్ హిట్ అవుతుందా లేదా అనేది చూడాలి.