తెలుగు బిగ్‌బాస్‌ సీజన్‌ 4 ను మొదటి ఎపిసోడ్‌ నుండే అత్యంత ఆసక్తికరంగా మార్చేందుకు నిర్వాహకులు తీవ్రంగా ప్రయత్నాలు చేస్తున్నారు. అందులో భాగంగానే బిగ్‌బాస్‌ మొదటి నుండి సస్పెన్స్‌ను మెయింటెన్‌ చేస్తూ వచ్చాడు. ఇద్దరు కంటెస్టెంట్స్‌ను మొదటి రోజే సీక్రెట్‌ రూంలో ఉంచారు. వారిద్దరు ఎప్పుడు వెళ్తారు అసలు వాళ్లను బయట ఎందుకు ఉంచాల్సి వచ్చింది అనేది అందరి దృష్టిని ఆకర్షించింది. ఇక ఇదే సమంయలో షో మొదటి రోజు నుండే హౌస్‌ లో ఒక కట్టప్ప ఉన్నారు.
అతడు మిమ్ములను వెన్ను పోటు పొడిచే ప్రమాదం ఉంది. కనుక జాగ్రత్తగా ఉండాలంటూ బిగ్‌బాస్‌ హెచ్చరిస్తూ వస్తున్నాడు. షోలో ఉన్న వారికి మాత్రమే కాకుండా షో చూస్తున్న వారికి కూడా కట్టప్ప ఎవరు అనే విషయంపై ఉత్కంఠగా ఉంది. ఆ కట్టప్ప ఎవరు అంటే నలుగురు నాలుగు రకాలుగా చెబుతున్నారు. ఎక్కువ శాతం మంది సూర్య కిరణ్‌ మరియు అఖిల్‌ అనుకుంటున్నారు. వీరిద్దరిని ఎందుకు అనుకుంటున్నారు అనే విషయంలో కూడా క్లారిటీ లేదు.
మొత్తానికి కట్టప్ప అంటూ షో విషయంలో నిర్వాహకులు ఆసక్తిని రేకెత్తిస్తున్నారు. సినిమా ను మించిన సస్పెన్స్‌ను కొనసాగిస్తున్నారు. అసలు విషయాలు ఏంటీ అనే విషయమై క్లారిటీ ఇవ్వకుండా షోను ఆసక్తికరంగా సాగిస్తున్నాడు. దాంతో ఖచ్చితంగా షో కు మంచి వ్యూస్‌ మరియు రేటింగ్‌ వస్తుందని అంతా నమ్ముతున్నారు. షోకు సంబంధించినంత వరకు ప్రతి విషయంలో కూడా ఇప్పటి వరకు నిర్వాహకులు పక్కా ప్లానింగ్‌ తో స్క్రిప్ట్‌ ను రెడీ చేసి ఉంచారు. కంటెస్టెంట్స్‌ విషయంలో ఉన్న విమర్శలను తట్టుకుని ప్రస్తుతం ఉన్న వారిని జనాల్లోకి తీసుకు వెళ్లేందుకు తీవ్రంగా ప్రయత్నాలు జరుగుతున్నాయి.
బిగ్‌బాస్‌ కట్టప్ప అంటూ ఎవరు ఎలాంటి వారు అనే విషయాన్ని తెలుసుకునేందుకు ఈ టాస్క్‌ పెట్టి ఉంటాడు అంటున్నారు. అసలు విషయం ఏంటీ అనేది వారాంతం వరకు తేలే అవకాశం ఉందంటున్నారు. మరో వైపు షో ఎప్పటిలాగే ఆసక్తికరంగా సాగుతోంది. నిన్నటి ఎపిసోడ్‌లో మోనాల్‌ మళ్లీ ఏడిచింది. కళ్యాణి, అభిజిత్‌ల మద్య గొడవ జరిగింది. అరియానా మరియు సోహెల్‌లు ఇంట్లోకి ఎంట్రీ ఇచ్చారు. నేటి ఎపిసోడ్‌ గరం గరంగా సాగే అవకాశం ఉందంటున్నారు.