యంగ్‌ రెబల్‌ స్టార్‌ ప్రభాస్‌ ఇటీవల తన జిమ్‌ ట్రైనర్‌ రెడ్డికి సర్‌ ప్రైజ్‌ చేస్తూ రేంజ్‌ రోవర్‌ కారును బహుమానంగా ఇచ్చిన విషయం తెల్సిందే. చాలా ఏళ్లుగా తనకు జిమ్‌ ట్రైనర్‌గా ఉన్న అతడి పట్ల ప్రభాస్‌ ఇలా కృతజ్ఞత చూపించాడు. ఇండస్ట్రీలో స్టార్స్‌ గిఫ్ట్‌లు ఇవ్వడం కామన్‌గానే చూస్తూ ఉంటాం. కాని ఏకంగా రేంజ్‌ రోవర్‌ ఇవ్వడం మాత్రం చూడలేదు. ప్రభాస్‌ రేంజ్‌ రోవర్‌ ఇవ్వడంతో అంతా కూడా వావ్‌ అంటూ రెబల్‌ స్టార్‌ మంచి మనసు గురించి ప్రశంసల జల్లు కురిపించారు.
ప్రభాస్‌ మాదిరిగా ఇంకా ఎవరు కూడా ఈ స్థాయి గిప్ట్‌ ఇవ్వలేక పోవచ్చు అంటూ ప్రచారం జరుగుతున్న సమయంలో అనూహ్యంగా నితిన్‌ తనకు భీష్మ వంటి సూపర్‌ హిట్‌ ఇచ్చిన దర్శకుడికి రేంజ్‌ రోవర్‌ను గిప్ట్‌ గా ఇచ్చాడు. నిన్న భీష్మ దర్శకుడు వెంకీ కుడుముల పుట్టిన రోజు. ఈ సందర్బంగా దర్శకుడికి నితిన్‌ ఇచ్చిన గిప్ట్‌ టాక్‌ ఆఫ్‌ ది ఇండస్ట్రీ అయ్యింది. రేంజ్‌ రోవర్‌ కారును దాదాపుగా 70 లక్షలు పెట్టి గిఫ్ట్‌గా ఇచ్చాడు అంటే వెంకీపై నితిన్‌కు ఎంత అభిమానం ఉందో అర్థం చేసుకోవచ్చు.
వరుసగా మూడు నాలుగు సినిమాలు ఫ్లాప్‌ అవ్వడంతో నితిన్‌ కెరీర్‌ కష్టాల్లో పడ్డట్లయ్యింది. అలాంటి సమయంలో భీష్మ వంటి ఒక మంచి సినిమాను ఇవ్వడంతో వెంకీ కుడుములకు మంచి గుర్తింపు దక్కింది. మరోసారి నితిన్‌తో వెంకీ కుడుముల సినిమా ఉంటుందట. అందుకే వెంకీ కోసం కారును ఆపినట్లుగా తెలుస్తోంది. ప్రస్తుతం నితిన్‌ చేస్తున్న సినిమాలు పూర్తి అయిన తర్వాత వెంకీ కుడుముల దర్శకత్వంలో మరో సినిమా ఉంటుందని తెలుస్తోంది.
ఈ గ్యాప్‌ లో వెంకీ కుడుముల మరో సినిమాను చేస్తాడనే సమాచారం అందుతోంది. అందుకు సంబంధించిన చర్చలు జరుగుతున్నాయి. భీష్మ సినిమా కోసం వెంకీ కుడుముల దాదాపు రెండేళ్ల పాటు వెయిట్‌ చేయడం వల్లే అతడికి నితిన్‌ గిప్ట్‌ ఇచ్చాడు అంటూ ప్రచారం జరుగుతోంది. భీష్మ సినిమా నిర్మాణంలో నితిన్‌ కూడా ఉన్నాడు. భారీ లాభాలు వచ్చిన కారణంగానే వెంకీ కుడుములకు భారీ గిప్ట్‌ను ఇచ్చాడు. ప్రభాస్‌ మరియు నితిన్‌లు ఇచ్చిన రేంజ్‌ రోవర్‌లు టాలీవుడ్‌లో కొత్త ఒరవడిని తీసుకు వచ్చాయి అనడంలో సందేహం లేదు.