టాలీవుడ్‌ నుండి డైరెక్ట్‌గా ఓటీటీలో విడుదల కాబోతున్న మొదటి పెద్ద సినిమా ‘వి’. ఈ సినిమాను నాని, సుధీర్‌ బాబులతో మోహనకృష్ణ ఇంద్రగంటి తెరకెక్కించాడు. నానికి ఇది 25వ సినిమా అవ్వడంతో అంచనాలు ఆకాశాన్ని తాకేలా ఉన్నాయి. ఇక ఈ సినిమాలో నాని నెగటివ్‌ షేడ్స్‌ ఉన్న పాత్రను పోషించబోతున్నట్లుగా వార్తలు వచ్చాయి.
సుధీర్‌బాబు పోలీస్‌ ఆఫీసర్‌గా కనిపించబోతున్నాడు. ట్రైలర్‌ తో చూపించినదాని ప్రకారం సైకో కిల్లర్‌ అయిన నానిని పట్టుకునేందుకు సుధీర్‌బాబు వెంట పడుతూ ఉంటాడు. కాని అసలు స్టోరీ విషయానికి వస్తే సినిమాలో హీరో విలన్‌ పాత్రలు రివక్స్‌ అవుతాయట. అంటే సుధీర్‌ బాబు క్లైమాక్స్‌లో విలన్‌ అంటూ చూపించబడుతాడట. సుధీర్‌ బాబు వల్ల నాని నష్టపోతాడు అందుకే పగ తీర్చుకునేందుకు ప్రయత్నిస్తాడు.
ఈ విషయంలో కాస్త సస్పెన్స్ ను క్రియేట్‌ చేసేందుకు మేకర్‌ చాలా చక్కని కథనంను అల్లాడట. ఈ విషయంలో ఆయనకు నూటికి నూరు మార్కులు పడుతాయంటూ సినీ విశ్లేషకులు అభిప్రాయం వ్యక్తం చేస్తున్నారు. నాని ఈ సినిమాతో మరో బ్లాక్‌ బస్టర్‌ దక్కించుకోవడం ఖాయం అంటున్నారు. ఇక సుధీర్‌ బాబు నటనలో మరో రెండు మూడు మెట్లు ఎక్కబోతున్నాడు అంటన్నారు.
సిక్స్‌ ప్యాక్‌ బాడీతో పాటు అతడి ఎనర్జిటిక్‌ ఫెర్మార్మన్స్‌ మరియు నివేదా థామస్‌ తో ఆయన రొమాన్స్‌ సినిమా స్థాయిని అమాంతం పెంచబోతున్నాయి. సినిమాలో హీరో విలన్‌ ఎవరు అనే విషయంలో చిత్ర యూనిట్‌ సభ్యలు ఎప్పుడు ఎక్కడ కూడా పేర్కొనలేదు. కనుక ప్రచారం జరుగుతున్నట్లుగా సుధీర్‌ బాబు విలన్‌ అయ్యేందుకు ఎక్కువ అవకాశం ఉందని అంటున్నారు.
మొత్తానికి ‘వి’ సినిమాకు సంబంధించిన అప్‌ డేట్‌ అయితే వచ్చింది. విడుదల అయిన తర్వాత ఈ సినిమా సస్పెన్స్ రివీల్‌ అయ్యే అవకాశం ఉంది.