టాలీవుడ్ యంగ్ హీరో శర్వానంద్, రష్మికా మందన్నా హీరో హీరోయిన్లుగా నటించిన చిత్రం ఆడవాళ్లు మీకు జోహార్లు… సినిమా మార్చి నాలుగవ తేదీన రిలీజ్ కాబోతున్నట్లు చిత్ర బృందం తెలిపింది. అయితే తిరుమల కిషోర్ దర్శకత్వంలో రాబోతున్న ఈ సినిమా ప్రీ రిలీజ్ వేడుకను ఇటీవలే నిర్వహించారు. అయితే ఈ వేడుకకు ముఖ్య అతిథిగా హాజరైన సుకుమార్ సాయి పల్లవిపై షాకింగ్ కామెంట్స్ చేశారు.
హీరోయిన్ సాయి పల్లవి క్రేజ్ చూస్తుంటే… ఆమె లేడీ పవన్ కల్యాణ్ లా అనిపిస్తుందని సుకుమార్ వివరించారు. నేను సాయి పల్లవి గురించి ఎప్పటి నుంచో చెప్పాలనుకున్నా కానీ కదురలేదంటూ వ్యాఖ్యానించారు. సాయి పల్లవి చాలా మంచి అమ్మాయి అని సుకుమార్ తెలిపారు.
సినీ రంగంలో సాయి పల్లవిలా ఉండటం చాలా కష్టమని… కానీ ఆమె మాత్రం చాలా నిజాయితీగా మంచి వ్యక్తిత్వంతో నిలదొక్కుకుంటుందని వివరించారు. అయితే తాను శర్వానంద్ కు పెద్ద ఫ్యాన్ ని అంటూ తెలిపారు. అంతే కాకుండా శర్వానంద్ గత రెండు సినిమాల్లో సీరియస్ పాత్రల్లోనే నటించారని… కానీ అప్పుడు పాజిటివ్ పాత్రలో కనిపించనున్నారని తెలిపారు.
అంతే కాకుండా ఈ సినిమాలో శర్వా ఫేషియల్ ఎక్స్ ప్రెషన్స్ చాలా బాగా ఇచ్చారని సుకుమార్ వెల్లడించారు. ఎప్పుడూ నవ్విస్తూ.. అందరినీ నవ్వించే పాత్రలో కనిపిస్తాడని తెలిపాడు. ఈ సినిమా మంచి విజయం అందుకోవాలని సుకుమార్ చెప్పుకొచ్చారు.