పవర్ స్టార్ పవన్ కల్యాణ్, రానా దగ్గుబాటిలు కలిసి నటించిన భీమ్లా నాయక్ సినిమా ఎట్టకేలకు రిలీజ్ అయింది. ఎన్నో రోజులుగా ప్రేక్షకులు ఈ సినిమా కోసం వేచి చూడగా… నిన్ననే అంటే ఫిబ్రవరి 25వ తేదీన రిలీజ్ అయింది. అయితే మలయాళ మాస్ మసాలా సినిమా అయ్యప్పణం కోషియం కి రీమేక్ గా ఈ చిత్రాన్ని డైరెక్టర్ సాగర్ కె చంద్ర తెరకెక్కించారు. అయితే ఈ సినిమా మొదటి రోజే భారీ వసూళ్లతో దూసుకుపోతోంది.
టాక్ కి సంబంధం లేకుండా పవర్ స్టార్ పవన్ కల్యాణ్ సినిమాలు బాక్సాఫీసు వద్ద సంచలనం సృష్టిస్తాయి. అయితే ఈ సారి కూజా అలాగే భారీ ఓపెనింగ్స్ తో భీమ్లా నాయక్ దూసుకువెళ్తుంది. అందరూ ఊహించినట్లుగానే భీమ్లా నాయక్ సినిమా సూపర్ డూపర‌్ హిట్టయ్యే అవకాశం కనిపిస్తోంది. అందుకు తగ్గట్టుగానే నైజాంలో మొదటి రోజు భారీ వసూళ్లు నమోదు అయ్యాయి. మొదటి రోజే 11.80 కోట్ల షేర్ ని అందుకొని ఆల్ టైం రికార్డ్ సృష్టించింది.
అయితే ఈ సినిమాలో పవర్ స్టార్ పవన్ కల్యాణ్ పోలీస్ ఆఫీసర్ గా కనిపించగా… రానా మరో కీలక పాత్రలో కనిపించారు. నిత్యామీనన్, సంయుక్త మేనన్ హీరోయిన్లుగా నటించారు. మాటల మాంత్రికుడు త్రివిక్రమ్ శ్రీనివాస్ స్క్రీన్ ప్లే, మాటలు అందించగా.. సాగర్ కె చంద్ర దర్శకత్వం వహించారు. అయితే ఈ భీమ్లా నాయక్ సినిమాను సూర్యదేవర నాగ వంశీ నిర్మించారు. ఒక్కరోజు కలెక్షన్లే ఈ రేంజ్ లో ఉన్నాయంటే… సినిమా వంద రోజులు కచ్చితంగా ఆడుతుందని అభిమానులు అంటున్నారు. మరి ఈ సినిమా ఎంత మొత్తంలో వసూళ్లు చేపడుతుంది.. ఇంకా ఎన్ని రోజులు థియేటర్లో ఆడుతుందో తెలియాలంటే కొన్నాళ్లు వేచి చూడాల్సిందే.