కన్నడ ఫిల్మ్‌ ఇండస్ట్రీ నుంచి వచ్చిన సూపర్‌ డూపర్ హిట్‌ చిత్రం కేజీఎఫ్‌. రాకింగ్‌ స్టార్‌ యష్‌ హీరోగా ఈ సినిమా తెరకెక్కింది. ప్రశాంత్‌ నీల్‌ కేజీఎఫ్‌ కు దర్శకత్వం వహించారు. 2018 కేజీఎఫ్‌ చాప్టర్-1 చిత్రం విడుదల అయింది. రిలీజ్‌ అయిన తర్వాత సూపర్‌ హిట్‌ అందుకుంది కేజీఎఫ్‌ చాప్టర్-1. కన్నడ నుంచి ఈ రేంజ్‌ హిట్‌ అందుకున్న సినిమా మరొకటి లేదనే చెప్పాలి. దేశవ్యాప్తంగా పెద్దగా తెలియని కన్నడ ఫిల్మ్‌ ఇండస్ట్రీ నుంచి వచ్చిన కేజీఎఫ్‌ చాప్టర్-1 అందరినీ విశేషంగా అలరించింది.
చాప్టర్-1 భారీ హిట్‌ కావడంతో.. అందరి దృష్టి చాప్టర్-2 పై పడింది. ఈ సినిమాపై వేరే లెవెల్ అంచనాలు నెలకొన్నాయి. కరోనా సంక్షోభం చాప్టర్-2 పై విపరీతంగా పడిందనే చెప్పాలి. మేకింగ్‌ చాలా ఆలస్యం కావడానికి కరోనా లాక్ డౌన్ కారణమైంది. అయితే చాప్టర్-2 కోసం ఎదురుచూడని సినీ అభిమాని ఉండడు అంటే అతిశయోక్తి కాదు.
అయితే.. 2022 సమ్మర్‌ రేస్‌ లో చాప్టర్-2 రిలీజ్‌ కి సిద్ధంగా ఉండగా మేకర్స్ ఈ సినిమా నుంచి కీలక అప్ డేట్స్ ఇవ్వడానికి రంగం సిద్ధం చేశారు. అయితే ఎందుకో కేజీఎఫ్‌ చాప్టర్-2 నుంచి ఏ విషయంలోనూ అప్ డేట్స్ పరంగా అంత హైప్‌ కనిపించడంలేదనే చెప్పాలి. బహుశా పూర్తిగా సినిమా పైనే ఫోకస్‌ ఉండటం వల్ల పోస్టర్‌ లు, పాటలు చిన్నవిగానే అనిపించాయి.
అయితే… ఇటీవల కేజీఎఫ్‌ చాప్టర్-2 నుంచి ఇంట్రెస్టింగ్‌ అప్ డేట్స్ ఉన్నాయని మూవీ మేకర్స్ ఒక పోల్‌ పెట్టారు. అయితే దీనికి గాను ఓ నాలుగు రోజులు సమయం కూడా పెట్టారు. అంటే ఈ లెక్కన కేజీఎఫ్‌ చాప్టర్-2 నుంచి వచ్చే అప్ డేట్ ఏమిటో తెలియడానికి నాలుగైదు రోజులు వేచి చూడక తప్పదని అర్థమైంది. మరి ఈ భారీ మూవీ నుంచి వచ్చే అప్ డేట్ ఏమై ఉంటుందా అని సినీ అభిమానులు వేచి చూస్తున్నారు.