పాన్ ఇండియా స్టార్ ప్రభాస్ గురించి తెలుగు ప్రేక్షకులకు ప్రత్యేకంగా చెప్పాల్సిన అవసరం లేదు. అలాగే బాహుబలి సినిమాతో దేశ వ్యాప్తంగా అభిమానులను సంపాదించుకున్న డార్లింగ్ ప్రభాస్… వరుస ప్రాజెక్టులతో బిజీ అయ్యారు. ఇటీవలే ప్రభాస్, పూజా హెగ్డే హీరోహీరోయిన్లుగా నటించిన రాధేశ్యామ్ సినిమా మార్చి 11న ప్రపంచ వ్యాప్తంగా విడుదల కాబోతుంది. మరో వైపు కొన్ని రోజుల క్రితమై ఆయన పాన్ ఆసియా మూవీ ప్రాజెక్ట్ కే సినిమా షూటింగ్ ను ప్రారంభించాడు.
డైరెక్టర్ నాగ్ అశ్విన్ రూపొందిస్తున్న ఈ సినిమాలో దీపికా పదుకొనే హీరోయిన్ గా నటిస్తోంది. అయితే బిగ్ బీ అమితాబ్ బచ్చన్ కీలక పాత్రలో కనిపించబోతున్నారట. అయితే ప్రభాస్ ఏ సినిమా చేసినా, ఎంత పెద్ద స్టార్ యాక్టర్ అయినా వాళ్లందరికీ తన ఇంటి భోజనం రుచి చూపిస్తాడు. ఇప్పటికే తనతో నటించినచాలా మందికి తాను ట్రీట్ ఇచ్చాడు.
అందులో భాగంగానే తాజాగా అమితాబ్ బచ్చన్ కు రుచిం చూపించాడు. ప్రాజెక్ట్ కే సినిమా షూటింగ్ సమయంలో అమితాబ్ కి మాంచి భోజనం తినిపించాడట హీరో ప్రభాస్. ఈ విషయాన్ని స్వయంగా అమితాబ్ బచ్చన్ యే ట్విట్టర్ ద్వారా వెల్లడించారు. టీ4198 బాహుబలి ప్రభాస్. మీ ఇంట్లో వండిన వంట చాలా బాగుంది. అంత మంచి భోజనాన్ని రుచి చూపించిన మీకు థాంక్స్ అంటూ బిగ్ బీ అమితాబ్ ట్వీట్ చేశారు. అయితే అమితాబ్ చేసిన ఈ ట్వీట్ ప్రస్తుతం వైరల్ గా మారింది.