బిగ్ బాస్ షోకు ఏ స్థాయిలో అభిమానులు ఉన్నారో అందరికీ తెలిసిన విషయమే. చాలా మంది బిగ్ బాస్ షో అంటే పడి చస్తారు. బిగ్ బాస్ ప్రసరాం అయినన్ని రోజులు టీవీలకే అతుక్కుపోతారు. ఒక్క ఎపిసోడ్‌ మిస్‌ అయిన అస్సలే తట్టుకోలేరు. చాలా మంది యాప్‌ లోనూ ఈ కార్యక్రమాన్ని వీక్షిస్తుంటారు. ఒక్క రోజు మిస్‌ అయినా.. దానిని మళ్లీ చూసేదాక వదలరు. అసలు బిగ్ బాస్ హౌజ్‌ లో ఏం జరుగుతోంది అని ఈ బిగ్ బాస్ ప్రేక్షకులు చర్చించుకోవడం మనకు తెలిసిందే. ఈ కార్యక్రమాన్ని ఒక్క తెలుగులోనే కాక చాలా దేశాల్లో మంచి ఆదరణ ఉంది. ప్రపంచ దేశాల్లోనూ బిగ్ బాస్ కార్యక్రమం తన దైన మార్కుతో దూసుకుపోతోంది. మన దేశం విషయానికి వస్తే… చాలా భాషల్లో బిగ్ బాస్ ప్రసారం అవుతోంది. అన్ని భాషల్లోనూ మంచి రేటింగ్స్ సాధిస్తూ… విశేష ఆదరణ సంపాదించుకుంది.
విషయానికి వస్తే… దక్షిణాధిలోనూ ఈ షో చాలా క్రేజ్‌ సంపాదించుకున్న విషయం అందరికీ తెలిసిందే. తమిళంలో బిగ్ బాస్ షోను ప్రముఖ హీరో కమల్ హాసన్ హోస్టు చేస్తున్నారు. ఆయన వ్యాఖ్యతగా బిగ్ బాస్ సూపర్‌ డూపర్‌ హిట్‌ రేటింగ్స్ తో అదరగొడుతోంది. అయితే.. బిగ్ బాస్ ప్రేక్షకులను షాక్‌ గురి చేస్తూ.. కమల్ హాసన్ ఓ ప్రకటన విడుదల చేశారు. ఎవరూ ఊహించని ఈ ప్రకటనతో అటు బిగ్ బాస్ ప్రేక్షకులు, ఇటు కమల్ ప్రేక్షకులు అసలేం జరిగిందా అని ఒకటే చర్చలు సాగిస్తున్నారు. ఇకపై బిగ్ బాస్ రియాలిటీ షో కు తాను హోస్ట్‌ గా చేయడం లేదని కమల్ హాసన్ ప్రకటించారు.
తన రాబోయే చిత్రం విక్రమ్ సినిమా షూటింగ్‌ షెడ్యూల్స్‌ కారణంగా బిగ్ బాస్ షో ను హోస్ట్‌ చేయలేకపోతున్నట్లు వెల్లడించారు కమల్ హాసన్. కరోనా లాక్‌ డౌన్‌ పరిమితుల కారణంగా విక్రమ్ సినిమా కోసం నిర్మాణ కార్యకలాపాలను రీ షెడ్యూల్‌ చేయవలసి వచ్చింది. అనివార్య పరిస్థితుల్లో బిగ్ బాస్ కోసం కేటాయించాల్సిన డేట్స్ ను సినిమా క ోసం కేటాయించాల్సి వస్తోందని కమల్ వెల్లడించారు. కొంత మంది స్టార్స్‌, టెక్నికల్‌ సిబ్బంది కాంబినేషన్‌ లో వచ్చే సన్నివేశాలను పూర్తి చేయడానికి మరి కొన్ని రోజులు విక్రమ్ షూటింగ్‌ కోసం కేటాయించాల్సి వస్తోందని కమల్ ప్రకటించారు. అందుకే బిగ్ బాస్ షో నుంచి తప్పుకుంటున్నట్లు వెల్లడించారు.