హీరోగా బాలకృష్ణ నటించిన అఖండ సినిమా సూపర్ డూపర్ హిట్ అయిన విషయం అందరికీ తెలిసిందే. కరోనా వచ్చినా, సినిమా టికెట్ల రేట్లు తగ్గించినా ఊహించని స్థాయిలో రికార్డులు సాధించిన అఖండ సినిమా హీరో బాలకృష్ణ అదే జోష్ తో మరో సినిమాలో నటించబోతున్నారు. క్రాక్ లాంటి హిట్ సినిమాను సృష్టించిన డైరెక్టర్ గోపీచంద్ మలినేనితో బాలయ్య బాబు ఓ సినిమా చేస్తున్నారు. అయితే ఇందుకు సంబంధించిన షూటింగ్ సిరిసిల్లలో ప్రారంభమైనట్లు తెలుస్తోంది.
మైత్రీ మూవీ మేకర్స్‌ సంస్థ వాళ్లు ఈ సినిమాను నిర్మిస్తున్నారు. ఫిబ్రవరి 18న ఈ సినిమాకు సంబంధించిన షూటింగ్ కూడా మొదలైంది. అంతే కాదండోయ్… షూటింగ్ లొకేషన్ నుంచి బాలయ్య బాబు ఫోటో కూడా లీక్ అయింది. అయితే ఇక్కడే అసలు సమస్య వచ్చింది. లీక్ అయిన బాలకృష్ణ ఫొటో చూసిన అభిమానులు షాక్ కు గురవుతున్నారు.
బాలయ్య బాబు చేస్తున్న ఈ సినిమా కన్నడ బ్లాక్‌బస్టర్ ‘మఫ్టీ’కి రీమేక్ అంటూ తెగ వార్తలు వస్తున్నాయి. అయితే బాలయ్య కోసం డైరెక్టర్ గోపీచంద్ పూర్తిగా వేటపాలెం నేపథ్యంలోనే ఓ కథ సిద్ధం చేస్తున్నట్లు గతంలో కూడా వార్తలు వచ్చాయి. అయితే ఇదే ఈ సినిమా అంటూ కూడా కొందరు అనుమానం వ్యక్తం చేస్తున్నారు. కానీ బాలయ్య స్టిల్ చూసిన వారంతా మప్టీ సినిమాకు రీమేక్ యే అంటున్నారు.
అయితే మఫ్టీ సినిమా లుక్ కూడా ఇలాగే ఉంటుంది. అందులో శివన్న బ్లాక్ డ్రెస్ వేస్కొని కూర్చోగా వెనకాల ఓ వ్యక్తి నిలబడి ఉంటాడు. అదే స్టైల్ లో బాలయ్య బాబు ఫొటో ఉంది. అయితే పూర్తిగా అదే కథను తీసుకున్నారా లేదంటే అక్కడ నుంచి ఓ లైన్ తీసుకొని బాలయ్య ఇమేజ్ కు తగ్గట్లు మారుస్తున్నారా అనేది మాత్రం తెలియాల్సి ఉంది. ఈ చిత్రంలో శృతి హాసన్, వరలక్ష్మి శరత్ కుమార్ లు కీలకమైన పాత్రల్లో నటిస్తున్నారు.