అర్జున్ రెడ్డి మూవీతో సెన్సేషన్ సృష్టించి పాన్ ఇండియా హీరోగా ఎదిగిన విజయ్ దేవరకొండ… పూరీ దర్శకత్వంలో తెరకెక్కుతున్న లైగర్ సినిమా గురించి మన అందరికీ తెలిసిన విషయమే. అయితే తాజాగా ఈ సినిమా షూటింగ్ పూర్తి చేసుకుంది. ఇందుకు సంబంధించిన విషయాలను చిత్ర యాజమాన్యం తెలిపింది. ఈ సినిమా రిలీజ్ అయిన తర్వాత విజయ్ దేవరకొండ, పూరీ జగన్నాథ్ లు మరో సినిమా తీసేందుకు ప్లాన్ చేస్తున్నారట.
అయితే డైరెక్టర్ పూరీ జగన్నాథ్ గతంలోనే జనగనమణ పేరుతో ఓ సినిమాను ప్రకటించారు. అయితే ఇదే సినిమాలో విజయ్ దేవరకొండను హీరోగా తీసుకుంటారోమే అనే అనుమానాలు వ్యక్తం చేస్తున్నారు చాలా మంది. అయితే ఇందుకు సంబంధించి అటు హీరో విజయ్ దేవరకొండ కానీ డైరెక్టర్ పూరీ జగన్నాథఅ కానీ ఎలాంటి ప్రకటన విడుదల చేయలేదు.
ఇక లైగర్ సినిమా విషయానికి వస్తే… ఫస్ట్ గ్లింప్స్ అంటూ చిత్ర బృందం విడుదల చేసిన ఓ వీడియోకు విపరీతమైన క్రేజ్ ఏర్పడింది. లక్షల లైక్ లతో ఈ వీడియో యూట్యూబ్ ను షేక్ చేసింది. మిక్స్‌డ్‌ మార్షల్‌ ఆర్ట్స్‌లో తెరకెక్కుతున్న ఈ చిత్రాన్ని పూరీ కనెక్ట్స్‌, ధర్మ ప్రొడక్షన్స్‌ సంస్థలు సంయుక్తంగా నిర్మిస్తున్నాయి. ప్రముఖ బాక్సర్‌ మైక్‌ టైసన్‌ ఈ సినిమాలో కీలక పాత్ర పోషించారు. విజయ్ సరసన అనన్య పాండే సందడి చేయనుంది. ఈ చిత్రం ఆగస్టు 25న ప్రేక్షకుల ముందుకురానుంది.