నందమూరి బాలకృష్ణ నటించిన అఖండ సినిమా 50 రోజుల పండుగకి రెడీ అవుతుంది. 2021 డిసెంబర్ 2న రిలీజైన అఖండ అఖండమైన విజయాన్ని అందుకుంది. బోయపాటి శ్రీను, బాలయ్య హ్యాట్రిక్ కాంబో అంచనాలకు తగినట్టుగానే అఖండ సినిమా సూపర్ హిట్ అందుకుంది ఈ సినిమా తెలుగు రెండు రాష్ట్రాల్లోనే కాదు యూఎస్ లో కూడా సూపర్ హిట్ కొట్టింది. యూఎస్ లో ఈ సినిమాని 50 రోజుల వరకు ఆడింది అంటే అఖండ ఎంత పెద్ద హిట్ అన్నది అర్ధం చేసుకోవచ్చు.
అఖండ సినిమా యూఎస్ లో 17 సెంటర్స్ లో 50 రోజుల వేడుక జరుపుకుంటుంది. బాలకృష్ణ నట విశ్వరూపం తో వచ్చిన అఖండ ఆయన కెరియర్ లో ఎవర్గ్రీన్ హిట్ అందించింది. ఇప్పటికీ తెలుగు రాష్ట్రాల్లో ఈ సినిమా వసూళ్లు బాగున్నాయి. సంక్రాంతి సందర్భంగా అఖండ ఆడుతున్న థియేటర్లు హౌజ్ ఫుల్ బోర్డ్ పడ్డాయి.
బాలకృష్ణ సరసన ప్రగ్యా జైశ్వాల్ నటించిన అఖండ సినిమాకు థమన్ అందించిన మ్యూజిక్ కూడా వన్ ఆఫ్ ది హైలెట్స్ గా నిలిచింది. అఖండ సినిమా బాలయ్య బాబు కెరియర్ లో వన్ ఆఫి ది మైల్ స్టోన్ మూవీ అని చెప్పొచ్చు. ప్రస్తుతం ఉన్న రోజుల్లో 50 రోజులు అంటే రికార్డ్ అన్నట్టే. అది కూడా ఇతర దేశాల్లో అంటే అది నిజంగానే సెన్సేషనల్ అని చెప్పొచ్చు.