సూపర్ స్టార్ కృష్ణ తనయుడు మహేష్ బాబు అన్న ఘట్టమనేని రమేష్ బాబు (58) మృతి చెందారు. కొన్నాళ్లుగా కాలేయ సంబందిత వ్యాధితో బాధపడుతున్న ఆయన శనివారం తీవ్ర అస్వస్థతకు గురవడంతో గచ్చి బౌలిలోని ఏ.ఐ.జీ హాస్పిటల్ కు తరలించారు. అయితే హాస్పిటల్ కు తీసుకెళ్లే క్రమంలోనే ఆయన కన్నుమూసినట్టు సమాచారం. మహేష్ వారసుడిగా ముందు హీరోగా నటించాడు రమేష్ బాబు. దాదాపు ఆయన 17 సినిమాల్లో నటించారు.
నటనకు ఫుల్ స్టాప్ పెట్టి బిజినెస్ లు చేస్తూ వచ్చిన ఆయన నిర్మాతగా మారి మహేష్ సినిమాలకు సహ నిర్మాతగా ఉంటూ వచ్చారు. రమేష్ బాబు మరణ వార్త విని సినీ పరిశ్రమ షాక్ కి గురైంది. మహేష్ బాబు తనకు కరోనా పాజిటివ్ వచ్చిందని ప్రకటించి ప్రస్తుతం హోం క్వారంటైన్ లో ఉన్నారు. మహేష్ బాబు త్వరగా రికవర్ అవ్వాలని ఫ్యాన్స్ ప్రార్ధనలు చేస్తున్నారు. ఈలోగా ఆయన సోదరుడు రమేష్ బాబు మృతి చెందడం బాధాకరం.