డైవర్స్ ఎనౌన్స్ మెంట్ తర్వాత సమంత దూకుడు పెంచింది. సినిమాలు, వెబ్ సీరీస్ లు మాత్రమే కాదు స్పెషల్ సాంగ్స్ కు అమ్మడు సై అనేస్తుంది. ఈమధ్యనే వచ్చిన పుష్ప సినిమాలో సమంత సాంగ్ సెన్సేషనల్ హిట్ అయ్యింది. పెళ్లి.. డైవర్స్ తర్వాత అంతకుముందు ఉన్న ఇమేజ్ ఏమారం తగ్గని హీరోయిన్ ఎవరంటే అది ఒక్క సమంత మాత్రమే అని చెప్పొచ్చు.
తెలుగులో శాకుంతలం, యశోద సినిమాలు చేస్తున్న అమ్మడు. కోలీవుడ్ లో కాతు వాకుల రెండు కాదల్ సినిమాలో కూడా నటిస్తుంది. విఘ్నేష్ శివన్ డైరెక్ట్ చేస్తున్న ఈ సినిమాలో నయనతార, విజయ్ సేతుపతి నటిస్తున్నారు. సినిమాలో సమంత నెగటివ్ టచ్ ఉన్న పాత్రలో నటిస్తుందని తెలుస్తుంది. ఇప్పాటికే స్పెషల్ ఐటం సాంగ్స్ తో సమంత తనలోని మరో యాంగిల్ చూపించగా ఇప్పుడు నెగటివ్ రోల్ తో మళ్లీ షాక్ ఇవ్వనుంది.
ఫ్యామిలీ మ్యాన్ 2 వెబ్ సీరీస్ లో తన నెగటివ్ టచ్ ఉన్న పాత్రతో మెప్పించిన సమంత మరోసారి ఆ మ్యాజిక్ రిపీట్ చేయాలని చూస్తుంది. సమంత ఏం చేసినా అద్భుతంగా ఉంటుండి కాబట్టి అలా దూసుకెళ్లిపోతుంది. ఈ సినిమాలో ప్రేమికులని విడగొట్టే నెగటివ్ రోల్ లో సమంత కనిపిస్తుందని తెలుస్తుంది.