హీరోగా కెరియర్ మొదలు పెట్టి దశాబ్ధ కాలం అవుతున్నా సరే ఇంతవరకు కెరియర్ లో ఒక్క సూపర్ హిట్ కూడా దక్కించుకోలేని ఆది సాయికుమార్ సినిమాల ఫలితాలు ఎలా ఉన్నా సరే వరుస సినిమాలతో ప్రేక్షకుల ముందుకు వస్తున్నాడు. లేటెస్ట్ గా ఆది సాయికుమార్ నుండి వచ్చిన సినిమా అతిథి దేవోభవ. ఈ సినిమాలో మోనో ఫోభియా ఉన్న వ్యక్తి పాత్రలో నటించాడు ఆది సాయికుమార్.
శుక్రవారం రిలీజైన ఈ సినిమాకు ఏమంత పెద్దగా టాక్ రాలేదు. ఆది సాయికుమార్ సరసన నువేక్ష హీరోయిన్ గా నటించిన ఈ సినిమాను నాగేశ్వర్ డైరెక్ట్ చేశారు. సినిమాని ఒకే పాయింట్ మీద తీసుకెళ్లడం.. సినిమా మొత్తం సాగదీతగా అనిపించడం అతిథి దేవోభవని ప్రేక్షకులని చేరువేయడంలో విఫలమైంది. అంతేకాదు సినిమా సహజత్వంగా అనిపించినా సన్నివేశాలు మాత్రం అసజంగా అనిపిస్తాయి.
ఆది సాయి కుమార్ వరకు బాగానే చేశాడు. అయితే డైరక్టర్ ఓ మంచి అవకాశాన్ని మాత్రం వాడుకోలేకపోయాడని అనిపిస్తుంది. బాగా తీయొచ్చు అనుకునే కథని ఇలా మాత్రం తీయకూడదు అనిపించేలా తీశాడు. వినాయక్, రాజమౌళి లాంటి దర్శకుల దగ్గర దర్శకత్వ శాఖలో పనిచేసిన అనుభవం ఉన్నా సరే డైరక్టర్ నాగేశ్వర్ తన ప్రతిభ కనబరచడంలో విఫలమయ్యాడు.