మెగాస్టార్ చిరంజీవి నటిస్తున్నా ఆచార్య సినిమా నుండి లేటెస్ట్ గా ఓ స్పెషల్ సాంగ్ రిలీజైంది. సినిమాలో ఈ స్పెషల్ ఐటం సాన్ లో రెజినా నర్తించింది. మణిశర్మ మ్యూజిక్ అందించిన ఈ సినిమాలోని సానా కష్టం సాంగ్ ను భాస్కరభట్ల రచించారు. చిరు గ్రేస్.. రెజినా హాట్ అందాలతో యూట్యూబ్ లో ఈ సాంగ్ వైరల్ గా మారింది. అయితే సాంగ్ లోని లిరిక్స్ పై అభ్యంతరం వ్యక్తం చేస్తూ జనగాం పోలీస్ స్టేషన్ లో ఫిర్యాదు చేశారు రాష్ట్ర ఆర్.ఎం.పి కార్య నిర్వాహణ అధ్యక్షుడు పసునూరి సత్యనారాయణ.
పాట లిరిక్స్ లో ఏడేడో నిమరొచ్చని కుర్రాళ్లే ఆర్.ఎం.పీలు అవుతున్నారే అనే వ్యాక్యాలు తమ వృత్తిని కించపరచేలా ఉన్నాయని అందుకే సినిమాలోని ఈ పాటని తొలగించాలాని ఆర్.ఎం.పి రాష్ట్ర అధ్యక్షుడు కోరారు. ఈ మేరకు పాటల రచయిత భాస్కరభట్ల, డైరక్టర్ కొరటాల శివల పై చర్యలు తీసుకోవాలని పోలీసులకు ఫిర్యాదు చేశారు.
ఈమధ్య మనోభావాలు దెబ్బ తిన్నాయ్ అంటూ అందరు ఇదో ఆవాటుగా మార్చుకున్నారు. సినిమా వాళ్లేమీ ఉద్దేశం పూర్వకంగా చేయకపోయినా కొన్నిసార్లు ఇలాంటివి ఎదుర్కోవాల్సి వస్తుంది. మరి ఆర్.ఎం.పి రాష్ట్ర అధ్యక్షుడి డిమాండ్ మేరకు పాటని తీసేస్తారా.. పాట లోని ఆ లిరిక్ ని మారుస్తారా అనంది త్వరలో తెలుస్తుంది.