ఐకాన్ స్టార్ అల్లు అర్జున్ నటించిన పుష్ప (Pushpa) సినిమా బాలీవుడ్ లో వసూళ్ల బీభత్సం సృష్టిస్తూనే ఉంది. హిందీలో పెద్దగా అంచనాలు లేకుండా రిలీజైన పుష్ప సినిమా అక్కడ రికార్డులు బద్ధలు కొడుతుంది. ఆల్రెడీ 2021లో రిలీజైన హిందీ సినిమాలన్నిటిని అధిగమించి కలెక్ట్ చేసిన పుష్ప రిలీజై 17 రోజులు అవుతున్నా వసూళ్లు మాత్రం తగ్గేదేలే అన్నట్టుగా వస్తున్నాయి.
ముఖ్యంగా పుష్ప ఫస్ట్ డే కలక్షన్స్ కన్నా సెకండ్ డే రోజు రోజుకు పెరుగుతూ వచ్చాయి. న్యూ ఇయర్ వీకెండ్ ఆ ఫిగర్ మరింత పెరిగిందని తెలుస్తుంది. పుష్ప 16వ రోజు అంటే డిసెంబర్ 31న 6.10 కోట్లు వసూళ్లను రాబట్టగా జనవరి 1న 6.25 కొట్లను కలెక్ట్ చేసింది. తెలుగు రాష్ట్రాల్లోనే ఆ రేంజ్ కలక్షన్స్ రాబట్టలేని పుష్ప హిందీలో మాత్రం వసూళ్ల హంగామా సృష్టిస్తుంది.
ఇక ఇప్పటివరకు పుష్ప (Pushpa) సినిమా హిందీ వర్షన్ 62.94 కోట్లను రాబట్టింది. బాహుబలి తర్వాత ఈ రేంజ్ కలక్షన్స్ రాబట్టిన సౌత్ సినిమా ఇదే అని చెప్పొచ్చు. హిందీ సినిమాలను సైతం ఆశ్చర్యపరచేలా పుష్ప వసూళ్లు ఉన్నాయి. సంక్రాంతి వరకు ఎలాగు సినిమాలు లేవు కాబట్టి పుష్ప అక్కడ రికార్డ్ వసూళను సాధించే ఛాన్స్ ఉంది.