నందమూరి వారసుడిగా సినీ ఇండస్ర్టీలోకి ఎంట్రీ ఇచ్చి అనతి కాలంలో స్టార్ హీరోగా ఎదిగాడు ఎన్టీఆర్. ఎంత ఎదిగినా ఒదిగి ఉండాలనే సూత్రాన్ని యంగ్ టైగర్ ఎన్టీఆర్ పాటిస్తారనే విషయం టాలీవుడ్ ప్రేక్షకులకు తెలిసిందే. కేవలం యాక్టింగ్ లోనే కాదు, డ్యాన్సులు చేయడం, డైలాగులు చెప్పడంలో తనకు ఎవరూ పోటీ రారని ఇప్పటికే ఈ యంగ్ హీరో ప్రూవ్ చేసుకున్నాడు. వెండితెర ను ఏలిన ఎన్టీఆర్ బుల్లితెరపై కూడా మస్తు ఫాలోయింగ్ సంపాదించుకున్నారు. ఆయన హోస్ట్ గా చేసిన బిగ్ బాస్ సీజన్ ను ప్రేక్షకులెవరూ మరిచిపోరు. అంతలా ఈ హీరో తనదైన ముద్రను వేశాడు. ఇక తాజాగా జెమిని టీవీలో ఓ ప్రోగ్రాం చేయనున్నాడు. ఈ ప్రోగ్రాం ను హోస్ట్ చేసేందుకు భారీ మొత్తంలో పారితోషకం తీసుకుంటున్నాడట. మరి ఎన్టీఆర్ క్రేజ్ అలాంటిది. మేకర్స్ కూడా వేరే ఆప్షన్ లేక ఎన్టీఆర్ అడిగినంత చెల్లించేందుకు రెడీ అయి అతడితోనే షో షూట్ చేస్తున్నారు. ఇక ఈ హీరోకు ఉన్న ఫ్యాన్ ఫాలోయింగ్ గురించి ప్రత్యేకంగా చెప్పాల్సిన పని లేదు. ఈ హీరో ఏదైనా సినిమా ఫంక్షన్లకు వస్తున్నాడని తెలియగానే సదరు ఫంక్షన్ల టికెట్లన్నీ హాట్ కేకుల్లా అమ్ముడవుతుంటాయి.
తెలంగాణ రాష్ర్ట రోడ్డు రవాణ శాఖ మంత్రి పువ్వాడ అజయ్ కుమార్ తనయుడు నయన్ రాజ్ జూనియర్ ఎన్టీఆర్ కు వీరాభిమానట. తన కుమారుడి పుట్టిన రోజు సందర్భంగా మంత్రి తన కొడుకుతో కలిసి జూనియర్ ఎన్టీఆర్ ను కలిశారు. అతడికి పుష్పగుచ్చం అందించారు. తన అభిమాన హీరోను కలుసుకోవడంతో మంత్రి తనయుడు నయన్ రాజ్ చాలా సంతోషంగా ఉన్నాడట. జూనియర్ ఎన్టీఆర్ నే కాకుండా డేరింగ్, డాషింగ్ మంత్రి కల్వకుంట్ల తారకరామారావును కూడా కలిశారు.
ఇక ఎన్టీఆర్ చేస్తున్న సినిమాల విషయానికి వస్తే… టాలీవుడ్ మోస్ట్ అవేయిటెడ్ మూవీ RRR లో ఈ యంగ్ హీరో మరో హీరో రామ్ చరణ్ తో కలిసి నటిస్తున్నాడు. ఇందులో తారక్ కు జోడీగా హాలీవుడ్ ముద్దుగుమ్మ నటిస్తోంది. చివరి దశలో ఉన్న షూటింగ్ ను త్వరగా కంప్లీట్ చేసి వీలైనంత తొందరగా… ఈ మూవీని ప్రేక్షకుల ముందుకు తీసుకురావడానికి మేకర్స్ ప్రయత్నాలు చేస్తున్నారు.