నిర్మాత దిల్ రాజు చాలా మూవీస్ ఫంక్షన్స్ లలో పవన్ కళ్యాణ్ తో సినిమా చెయ్యాలనేది నా డ్రీమ్ అని చెప్పేవాడు. ఏదో ఒక్క రోజు తప్పకుండా సినిమా చేస్తాను అని చెప్పి వకీల్ సాబ్ అనే చిత్రాన్ని పవన్ కళ్యాణ్ తో తీశాడు. ఈ చిత్రంతో దిల్ రాజ్ డ్రీమ్ ఫుల్ ఫిల్ అయ్యింది. ఈ చిత్రం ఇటీవలే విడుదలై మంచి విజయం సాదించింది . తెలుగు రాష్ట్రాల మహిళలు ఈ చిత్రంపై ప్రశంసలు కురిపిస్తున్నారు.
చిత్రం వసూళ్ల పరంగా కూడా మంచి లాభాలను తెచ్చి పెట్టింది. కరోనా కొంతమేరకు వకీల్ సాబ్ లాభాలపై దెబ్బకొట్టిన అప్పటికే వారు పెట్టిన పెట్టుబడికి మించి లాభాలు వచ్చాయి. ఈ చిత్రం వచ్చే నెలలో అమెజాన్ ప్రైమ్ లో రాబోతుంది. వకీల్ సాబ్ తృప్తి చెందని దిల్ రాజ్ పవన్ తో మరో సినిమాను ఓకే చేయించుకున్నాడని ఇండస్ష్ట్రి లో గుసగుసలు వినిపిస్తున్నాయి. ఇప్పటికే అడ్వాన్స్ రూపంలో పవన్ కు దిల్ రాజు చెక్ లు కూడా అందించాడు అంట.
ప్రస్తుతం దర్శకుడి అన్వేషనలో ఉన్న దిల్ రాజు కు స్టార్ దర్శకుడు వంశీ పైడిపల్లి కనిపించడంతో పవన్ తో సినిమా విషయమై ఇద్దరు మధ్య చర్చలు జరిగాయి అంట. కరోనా భారీన పడిన పవన్ కళ్యాణ్ కాస్త విరామం తీసుకుంటున్నాడు. ఈ నేపథ్యంలో వంశీ పైడిపల్లి దిల్ రాజులు వెళ్ళి పవన్ కలిసి కథను చెప్పినట్లుగా సమాచారం. పవన్ కూడా ఒకే చెప్పినట్లుగా వార్తలు వస్తున్నాయి. త్వరలోనే ఈ చిత్రం గురించి అధికారిక ప్రకటన రానున్నదని సమాచారం.
మొత్తానికి దిల్ రాజు పవన్ తో వరస సినిమాలు చేస్తున్నాడు. ఇప్పటికే తన బ్యానర్ లో పలు పెద్ద సినిమాలు ఉన్న పవన్ కళ్యాణ్ ను మాత్రం విడిచి పెట్టడం లేదు. వంశీ పైడిపల్లి మహేశ్ తో మహర్షి సినిమా తర్వాత మరో సినిమాను తెరపైకి తీసుకువెళ్లలేదు. ఇప్పుడు ఏకంగా పవన్ ను డైరెక్ట్ చేసే అవకాశం కొట్టేశాడు. దిల్ రాజు కు ఇప్పటికే ఓ నాలుగు హిట్ సినిమాలు అందించాడు దర్శకుడు వంశీ.