సూపర్ స్టార్ మహేష్ బాబు, పరుశురామ్ కాంబినేషన్ లో రూపొందుతున్న చిత్రం సర్కారు వారి పాట. కీర్తి సురేశ్ హీరోయిన్ గా నటిస్తుంది. మొదటి షెడ్యూల్ ను దుబాయ్ లో జరుపుకుంది. అక్కడే ఓ నెల రోజులకు పైగా కొన్ని కీలక యాక్షన్ సన్నివేశాలను చిత్రీకరించారు. ఆ తర్వాత సెకండ్ షెడ్యూల్ కోసం హైదరాబాద్ కు వచ్చిన చిత్ర బృందం కాస్త విరామం తీసుకొని షూటింగ్ మొదలు పెట్టింది.
ఈలోగా ఇండియాలో కరోనా తీవ్రత విపరీతంగా పెరగడంతో షూటింగ్ ను పోస్ట్ పోన్ చేశారు. ఈ క్రమంలో మహేష్ బాబు పర్శనల్ స్టైలిస్ట్ కరోనా భారీన పడటం. చిత్ర బృందంలో కొంత మందికి కరోనా సోకడంతో ప్రిన్స్ మహేష్ బాబు సెల్ఫ్ ఐసోలేషన్ లోకి వెళ్ళాడు. ప్రస్తుతం కరోనా లక్షణాలు ఏమి లేకుండా ఆరోగ్యంగా ఉన్నట్లుగా సమాచారం అందుతుంది. కరోనా తగ్గుముఖం పట్టే వరకు ఇప్పట్లో షూటింగ్ మొదలు పెట్టె అవకాశాలు మాత్రం లేవు.
ఇప్పటికే తెలుగు రాష్ట్రాల్లో లక్షలల్లో కేసులు నమోదు కావడంతో షూటింగ్ లు సినిమా థియేటర్స్, కొన్ని వ్యాపార రంగాలు మూసివేశారు. ఇక సర్కారు వారి పాట సినిమా విషయానికి వస్తే మహేష్ బ్యాంక్ మేనేజర్ కొడుకు పాత్రలో నటిస్తున్నాడు. బ్యాంకింగ్ నేపథ్యంలో ఈ చిత్రం రూపొందుతుంది. ఈ చిత్రానికి థమన్ సంగీతం అందిస్తుండగా 14 రీల్స్ ప్లస్ మరియు మైత్రి మూవీ మేకర్స్ , GMB ఎంటర్ టైన్మెంట్ సంస్థలు నిర్మిస్తున్నాయి. ఈ చిత్రం వచ్చే ఏడాది సంక్రాంతికి విడుదల అవ్వుతుంది.