అల వైకుంటపురంలో చిత్రం విజయం తర్వాత అల్లు అర్జున్ హీరోగా సుకుమార్ దర్శకత్వంలో పుష్ప అనే చిత్రంలో నటిస్తున్నాడు. బన్నీ ఈ చిత్రంలో లారీ డ్రైవర్ అనే పాత్రలో నటిస్తున్నాడు. ఇటీవల ఈ చిత్రం నుండి విడుదలైన టిజర్ సినిమా భారీ అంచనాలను పెంచింది. రష్మిక బన్నీ పక్కన హీరోయిన్ గా నటిస్తుంది. పల్లేటూరి అమ్మాయి గా కనిపించనున్నది. ఈ చిత్రాన్ని ఆగస్ట్ లో విడుదల చేయబోతున్నట్లుగా ముందుగానే ప్రకటించింది.
సమయం తక్కువ ఉన్న కారణంగ షూటింగ్ పనులు చాలా శరవేగంగా జరుగుతున్నాయి. కరోనా నేపథ్యంలో హైదరాబాద్ పరిసర ప్రాంతంలో పుష్ప మూవీ యొక్క భారీ సెట్ ను నిర్మించారు. ఇక ఇక్కడే కొన్ని కీలక సన్నివేశాలను చిత్రీకరించనున్నారు. తాజాగా ఫిల్మ్ నగర్ నుండి అందుతున్న సమాచారం మేరకు పుష్ప చిత్రంలో జబర్దస్త్ యాంకర్ అనసూయ కూడా నటించబోతున్నట్లుగా తెలుస్తుంది. ఆల్రెడీ సుకుమార్ దర్శకత్వంలో రంగస్థలం అనే చిత్రంలో రంగమ్మత్త అనే పాత్రలో నటించింది.
ఆ పాత్ర ఆమెకు మరియు సినిమాకు మంచి నేమ్ తీసుకురావడంతో పుష్ప లో అమెకోసం ఓ చిన్న పాత్రను సుకుమార్ డిజైన్ చేసినట్లుగా సమాచారం. పాత్ర చిన్నదైన అందరిని ఆకటుకుంటుందని ఇండస్ష్ట్రి వర్గాల సమాచారం. అల్లు అర్జున్ కు కూడా అనసూయ అంటే ప్రత్యేకమైన అభిమానం. అనసూయ కూడా ఓ ఈవెంట్ లో అల్లు అర్జున్ సినిమాలో నటించాలనేది నా కోరిక అంటూ తన మనసులోని మాటను బయట పెట్టింది.