లెక్కల మాస్టర్, సినిమా దర్శకుడు సుకుమార్ రామ్ చరణ్ రంగస్థలం చిత్రం తర్వాత స్టైలిష్ స్టార్ అల్లు అర్జున్ తో పుష్ప అనే చిత్రంను రూపొందిస్తున్నాడు. ఈ చిత్రం తర్వాత విజయ్ దేవరకొండ తో ఓ సినిమా చేయబోతున్నట్లుగా ప్రకటించిన సంగతి అందరికి తెలిసిందే. పుష్ప సినిమా షూటింగ్ పూర్తి కావస్తుంది. అయిన కాని విజయ్ సినిమా ఎప్పుడు స్టార్ట్ అవ్వుతుంది అనే విషయంపై మాత్రం క్లారీటీ లేదు. ఇంతవరకు ఎలాంటి అప్డేట్ ఇవ్వలేదు.
విజయ్ దేవరకొండ మాత్రం లైగర్ చిత్రంతో బిజీగా మారిపోయాడు. ఈ చిత్రానికి పూరీ జగన్నాథ్ దర్శకత్వం వహిస్తున్నాడు. బాక్సింగ్ నేపథ్యంలో ఈ చిత్రం ఉండబోతుంది. ఈ చిత్రానికి హాలీవుడ్ స్టంట్ మాస్టర్ పని చేస్తున్నాడు. యాక్షన్ ప్రధానంగా ఈ చిత్రం తెరకెక్కుతుండటంతో పూరీ ప్రత్యేక శ్రద్ద తీసుకుంటున్నాడు. ఈ చిత్రం పూర్తి అయిన తర్వాత దిల్ రాజు నిర్మాణంలో విజయ్ ఓ పాన్ ఇండియా మూవీ చేయబోతున్నట్లుగా వార్తలు వస్తుండటంతో, విజయ్ దేవరకొండ మరియు సుకుమార్ ల సినిమా క్యాన్సిల్ అయి ఉంటుందని వార్తలు వస్తున్నాయి.
ఈ క్రమంలో సుకుమార్ సోషల్ మీడియా ద్వారా స్పందిస్తూ నేను అనౌన్స్ చేసిన చిత్రం ఖచ్చితంగా అనుకున్న సమయానికి మొదలు అవ్వుతుందని సుకుమార్ చెప్పాడు. ప్రస్తుతం అల్లు అర్జున్ తో పుష్ప చిత్రీకరణలో బిజీగా ఉన్నాడు. ఇటీవలే ఈ చిత్రం నుండి విడుదలైన టిజర్ మంచి రెస్పాన్స్ వస్తుంది.