న్యాచురల్ స్టార్ నాని వి చిత్రం నిరాశ పరచడంతో తన తదుపరి సినిమాను శివ నిర్వహణ దర్శకత్వంలో టక్ జగదీష్ అనే చిత్రంలోనటించాడు. మజిలీ, నిన్నుకోరి వంటి సూపర్ హిట్ చిత్రాలను రూపొందించాడు ఈ దర్శకుడు. లాక్ డౌన్ సమయంలో నాని వి చిత్రం ఓ‌టి‌టి లో విడుదలైంది. ఈ చిత్రం నిరాశ పరచడంతో టక్ జగదీష్ సినిమాతో ఎలాగైనా హిట్ కొట్టాలని నాని గట్టి పట్టుదలతోనే ఉన్నాడు. ఈ చిత్రంలో ఇద్దరు హీరోయిన్స్ నటిస్తున్నారు, రీతూ వర్మ, ఐశ్వర్య రాజేష్ లు. జగపతి బాబు ఓ కీలక పాత్రలో నటిస్తున్నాడు, ఫ్యామిలీ అండ్ యాక్షన్ ఎంటర్ టైనర్ గా ఈ చిత్రం రూపొందింది.
ఇప్పటికే ఈ చిత్రం నుండి విడుదలైన ఫస్ట్ లుక్ మరియు టిజర్ లు ఆకట్టుకుంటున్నాయి. ప్రేక్షకుల్లోను ఈ చిత్రం పై అంచనాలు భారీగానే ఉన్నాయి. నాని ని థియేటర్స్ లో చూడటానికి చాలా ఆసక్తి కనబరుస్తున్నారు. ఈ చిత్రం యొక్క థియేట్రికల్ రైట్స్ భారీ మొత్తానికే అమ్ముడు పోయినట్లుగా సమాచారం. తాజా సమాచారం మేరకు 47 కోట్ల వరకు ప్రీ రిలీజ్ బిజినెస్ చేసినట్లుగా సమాచారం. త్వరలోనే చిత్ర బృందం నుండి అధికారిక ప్రకటన వెలువడే అవకాశం ఉంది.
ఈ చిత్రానికి థమన్ సంగీతం అందించాడు. శైన్ స్క్రీన్ పై సాహు గారపాటి, హరీష్ పెద్ది లు నిర్మించారు. వచ్చే నెల 23 వ తేదీన ఈ చిత్రం విడుదల అవ్వుతుంది. నేటి నుండి టక్ జగదీష్ ప్రమోషన్స్ కార్యక్రమాలు మొదలు కానున్నాయి. నేడు ఈ చిత్రానికి సంబందించిన పరిచయ కార్యక్రమం తో మొదలు అవ్వుతుంది.