రాజమౌళి దర్శకత్వంలో రామ్ చరణ్ జూనియర్ ఎన్‌టి‌ఆర్ లు ప్రధాన పాత్రలో నటిస్తున్న చిత్రం ఆర్‌ఆర్‌ఆర్. పీరియాడికల్ నేపథ్యం కలిగిన సోషియో ఫాంటసీ మూవీగా ఈ చిత్రం రూపొందుతుంది. రామ్ చరణ్ ఈ చిత్రంలో అల్లూరి సీతారామరాజు గా కనిపించనున్నాడు. తారక్ కొమురమ్ భీమ్ పాత్రలో కనిపిస్తాడు. ఇప్పటికే ఈ చిత్రం నుండి వీళ్ళ పాత్రలను పరిచయం చేస్తూ టీజర్స్ ను జక్కన్న విడుదల చేశాడు.
రేపు చరణ్ పుట్టిన రోజు కావున ఒక్క రోజు ముందే చరణ్ కు లైఫ్ లో గుర్తుండిపోయే గిఫ్ట్ ను ఇవ్వాలని ఆర్‌ఆర్‌ఆర్ టీమ్ ప్లాన్ చేస్తుంది. ఈ విషయాన్ని స్వయంగా వారే సోషల్ మీడియా ద్వారా ప్రకటించారు. ఇంతకు ఆ గిఫ్ట్ ఏమిటి అనుకుంటున్నారా ? ఈ చిత్రంలోని చరణ్ పాత్రకు సంబందించిన ఫోటో లుక్ ఒక్కటి రిలీజ్ చేయనున్నారు. నేడు సాయంత్రం 4 గంటలకు ఆర్‌ఆర్‌ఆర్ టీమ్ అనౌన్స్ చేయనున్నది. మెగా అభిమానులు ఎంతగానో వెయిట్ చేస్తున్నారు.
తమ అభిమాన హీరో చరణ్ పోస్టర్ లుక్ ఏ విధంగా ఉంటుదో అని అంచనాలు వేసుకుంటున్నారు. ఈ చిత్రంలో చరణ్ కు జోడీగా అలియ భట్ నటిస్తుంది. తారక్ కు హాలీవుడ్ నటీమణి ఒలివియా మోరిస్ నటిస్తుంది. అజయ్ దేవగన్, సముద్రఖని లు కీలక పాత్రలో నటిస్తున్నారు. ఎం‌ఎం కీరవాణి సంగీతం అందిస్తున్నాడు. ఈ ఏడాది అక్టోబర్ 13 న ఈ చిత్రం తెలుగు,తమిళ,హింది, మలయాళ, కన్నడ బాషల్లో విడుదల కానున్నది.