నాగబాబు హీరోగా, క్యారెక్టర్ ఆర్టిస్ట్ గా చాలా సినిమాల్లో నటించి మంచి పేరు ను తెచ్చుకున్నాడు. ఆ తర్వాత జబర్దస్త్ షో కు జడ్జ్ గా కొంతకాలం పనిచేశాడు. ఎప్పుడు నవ్వుతూ కనిపించే నాగబాబు గారు ఓ సినిమా కోసం తన లుక్ ను మొత్తం మార్చేశాడు. ప్రస్తుతం నాగబాబు రఫ్ లుక్ ఫోటోలు సోషల్ మీడియాలో వైరల్ గా మారుతున్నాయి. ఆ ఫొటోల్లో నాగబాబు చాలా క్రూరంగా కనిపిస్తున్నాడు.
నాగబాబు ఆ లుక్ లోకి మారడానికి ప్రధాన కారణం ఏమిటి అంటే సోషల్ మీడియా నుండి అందుతున్న సంచారం మేరకు… బెల్లంకొండ సాయి శ్రీనివాస్ బాలీవుడ్ లోకి అడుగుపెట్టబోతున్న సంగతి అందరికి తెలిసిందే… రాజమౌళి దర్శకత్వంలో ప్రభాస్ హీరోగా నటించిన ఛత్రపతి సినిమాను హిందీలో రీమేక్ చేయనున్నారు. ఈ చిత్రానికి వి‌వి వినాయక్ దర్శకత్వం వహిస్తున్నాడు. అయితే ఆ చిత్రంలో రాస్ బిహారీ పాత్ర ఎంత క్రూరంగా ఉంటుదో మనం ఆల్రెడీ చూశాం. ఇప్పుడు ఆ పాత్రను హిందీలో నాగబాబు తో చేయించాలని వినాయక్ ప్లాన్ చేస్తున్నాడని తెలుస్తుంది.
మరి నాగబాబు ఆ పాత్రకు న్యాయం చేయగలడా ? అనేది నేటిజెనుల సందేహం వ్యక్తం చేస్తున్నారు. రాస్ బిహారీ పాత్రను నాగబాబు చేతిలో పెట్టడం అనేది సాహసమే అని నేటిజెన్స్ కామెంట్స్ చేస్తున్నారు. అసలు తెలుగులో ఛత్రపతి సినిమాకు ఆ పాత్ర ప్రాణం పోసింది. ఆ పాత్రలో ప్రదీప్ రావత్ జీవించేశాడు. నాగబాబు రఫ్ లుక్ ఫోటోలు చూస్తుంటే ఛత్రపతి హింది రీమేక్ కోసం తీసుకోబోతున్నట్లుగా తెలుస్తుంది. త్వరలోనే అధికారిక ప్రకటన వెలువడే అవకాశం ఉంది. మరో రెండు నెలల్లో సినిమా సెట్స్ పైకి వెళ్లనున్నది.