రామ్ చరణ్ జూనియర్ ఎన్‌టి‌ఆర్ లు ప్రధాన పాత్రలో నటిస్తున్న చిత్రం ఆర్‌ఆర్‌ఆర్. ఈ చిత్రానికి రాజమౌళి దర్శకత్వం వహిస్తున్నాడు. పీరియాడికల్ నేపథ్యం కలిగిన సోషియో ఫాంటసీ మూవీ గా ఈ చిత్రం ను రూపొందిస్తున్నాడు. చర్రీ అల్లూరి సీత రామరాజు పాత్రలో నటిస్తుంటే, తారక్ మాత్రం కొమురమ్ భీమ్ పాత్రలో నటిస్తున్నాడు. ఇప్పటికే ఈ చిత్రం నుండి విడుదలైన వీరి పోస్టర్ లుక్ లు మరియు టిజర్స్ కు మంచి రెస్పాన్స్ లభించింది.
తాజా సమాచారం మేరకు రాజమౌళి ఆర్‌ఆర్‌ఆర్ టీమ్ రామ్ చరణ్ కోసం మరో గిఫ్ట్ ను రెడీ చేస్తుందని తెలుస్తుంది. ఈ నెల 27 న చర్రీ పుట్టిన రోజు కావున మరోసారి రాజమౌళి చరణ్ ను సర్ ఫ్రైజ్ ప్లాన్ చేస్తున్నాడని వార్తలు వస్తున్నాయి. పోయినసారి బర్త్ డే కు భీమ్ ఫర్ రామరాజు అంటూ ఓ టీజర్ ను రిలీజ్ చేశాడు. ఇప్పుడు మరో కొద్ది రోజుల్లో చరణ్ బర్త్ డే ఉంది కావున ఈసారి అంతకు మించి ఆర్‌ఆర్‌ఆర్ నుండి మరో గిఫ్ట్ ను ఇవ్వబోతున్నాడు. ఇక సినిమా షూటింగ్ విషయానికి వస్తే ఆర్‌ఎఫ్‌సి లో క్లైమాక్స్ కు సంబందించిన యాక్షన్ సన్నివేశాలను చిత్రీకరిస్తున్నారు.
త్వరలోనే ఈ యాక్షన్ ఎపిసోడ్ కు ఫుల్ స్టాప్ పెట్టి పాటల మూడ్ లోకి ఆర్‌ఆర్‌ఆర్ టీమ్ వెళ్ళనున్నది. చరణ్ కు జోడీగా అలియ భట్ సీత పాత్రలో నటిస్తుంది. తారక్ కు జోడీగా ఒలివియా మోరిస్ జెన్నిఫర్ పాత్రలో నటిస్తుంది. కీలక పాత్రలో సముద్రఖని, అజయ్ దేవగన్ లు నటిస్తున్నారు. ఈ చిత్రానికి ఎం‌ఎం కీరవాణి సంగీతం అందిస్తున్నాడు. ఈ ఏడాది అక్టోబర్ 13న ఈ చిత్రం ప్రపంచ వ్యాప్తంగ విడుదల అవ్వనున్నది.