ప్రగ్యా జైస్వాల్ కంచె సినిమాతో తెలుగు సినిమా కు పరిచయం అయింది మొదటి సినిమాతోనే విమర్శకుల ప్రశంసలు అందుకుంది. ఆ తర్వాత ఓ రెండు మూడు చిత్రాల్లో నటించిన అనుకున్న స్థాయి లో మాత్రం ఆమెకు గుర్తింపు రాలేదు. అందానికి అందం నటనకు నటన ఆమె సొంతం. కుర్ర హీరోలకు చక్కని జోడీ ఆమె. సినిమా హీరోయిన్ కు ఉండాలిసిన అన్నీ కొలతలు ఉన్న సరైన హిట్ మాత్రం పడటం లేదు. ప్రస్తుతం టాలీవుడ్ లో బోయపాటి, బాలకృష్ణ కాంబినేషన్ లో రాబోతున్న ఓ సినిమాలో నటిస్తుంది. ఈ చిత్రం గురించి ప్రగ్యా జైస్వాల్ ఆసక్తికర విషయాలను పంచుకుంది. కరోనా తర్వాత నేను నటిస్తున్న మొదటి చిత్రం కావున నాకు ఇది ఎంతో స్పెషల్. ఇంతకు ముందు బోయపాటి దర్శకత్వంలో జయ జానకి నాయక అనే చిత్రంలో నటించాను.
ఆ సినిమాలో నా పాత్ర నిడివి చాలా తక్కువ. మరోసారి బోయపాటి దర్శకత్వంలో ఛాన్స్ రావడం నా అదృష్టం గా భావిస్తున్నాను. ఇక హీరో బాలకృష్ణ సర్ గురించి చెప్పాలి అంటే ఆయన ఎనర్జీకి ఓ పవర్ హౌస్ లాంటి వాడు. సినిమా పై ఆయనకు విపరీతమైన అంకిత భావం ఉంది. సెట్ లో ఎప్పుడు చాలా సందడిగా ఎనర్జటిక్ గా ఉంటాడు. అందరిని అలాగే ఉంచుతాడని అన్నది. బాలకృష్ణ సర్ సినిమాలో నటించడం చాలా సంతోషం గా ఉందని అన్నారు. బోయపాటి, బాలకృష్ణ కాంబినేషన్ లో వస్తున్న హ్యాట్రిక్ చిత్రం ఇది. ఇంతకు ముందు సింహా లెజెండ్ వంటి బ్లాక్ బస్టర్ మూవీస్ వచ్చాయి. ఈ చిత్రాని మీర్యాల రవీందర్ రెడ్డి భారీ బడ్జెట్ తో నిర్మిస్తున్నాడు.