కౌశిక్ పెగల్లపాటి దర్శకత్వంలో కార్తికేయ హీరోగా నటించిన చిత్రం చావు కబురు చల్లగా. లావణ్య త్రిపాటి హీరోయిన్ గా నటించింది. ఇటీవలే ఈ చిత్రం యొక్క షూటింగ్ పూర్తి చేసుకుంది. ఇప్పటికే విడుదలైన ఫస్ట్ లుక్ పోస్టర్స్ కు మరియు టీజర్, ట్రైలర్ కు మంచి రెస్పాన్స్ వచ్చింది. ఇక ప్రస్తుతం చిత్ర బృందం సినిమా ప్రమోషన్ కార్యక్రమంలో చాలా బిజీగా ఉంది. ఈసారి కొంచెం వెరైటీగా సినిమా ప్రచారాన్ని మొదలు పెట్టాడు మన హీరో కార్తికేయ.
తానే స్వయంగా రంగస్థలం మహేష్ తో కలిసి సినిమా థియేటర్స్ వద్ద వాల్ పోస్టర్స్ ను అంటిస్తున్నాడు… కూరగాయల మార్కెట్ లోను సందడి చేశాడు. అక్కడ వ్యాపారస్తులతో కాసేపు ముచ్చటించి చావు కబురు చల్లగా సినిమా కబుర్లను వారికి చెప్పాడు. అలాగే మహేష్ ఏకంగా మైక్ తీసుకొని మార్చి 19 న మీ అభిమాన థియేటర్ లో మీ బస్తి బాలరాజు హీరోగా నటించిన చావు కబురు చల్లగా చిత్రం విడుదల ప్రచారం చేశాడు.
అలాగే ఈ చిత్ర బృందం ప్రమోషన్స్ లో భాగంగా క్రికెట్ ఆడుతూ కాసేపు అందరిని అలరించారు. కార్తికేయ బ్యాటింగ్ చేయగా లావణ్య త్రిపాటి బాల్ అందుకొని బౌలింగ్ చేసింది. ఇటీవల ఈ చిత్రం నుండి పాటలు కూడా విడుదల అయ్యాయి. ఈ చిత్రానికి జెక్స్ బిజోయ్ సంగీతం అందించాడు. అల్లు అరవింద్ సమర్పణలో గీత ఆర్ట్స్ 2 బ్యానర్ పై ఈ చిత్రాని బన్నీ వాసు నిర్మించాడు. మార్చి 19వ తేదీన ఈ చిత్రం దేశవ్యాప్తంగా విడుదల అవ్వుతుంది.