కరోనా కారణంగ చాలా సినిమాల షూటింగ్ లు పోస్ట్ పోన్ అయ్యాయి. ఇప్పుడిప్పుడే కరోనా నుండి దేశం బయటపడుతుంది. దాదాపుగా అన్నీ పరిశ్రమలకు కేంద్రం నుండి పర్మిషన్స్ వచ్చేశాయి. సినిమాల విషయానికి వస్తే షూటింగ్ మధ్యంలో ఉన్న సినిమాలు.. కొత్త సినిమాలు అన్నీ సెట్స్ పైకి వెళ్ళుతున్నాయి.. దర్శక నిర్మాతలు కూడా స్పీడ్ పెంచేశారు అప్పుడే 2021 ని తమ సినిమాల విడుదల తేదీలతో బుక్ చేసుకున్నారు. ఈ నేపథ్యంలోనే 2022 కూడా బుక్ అవ్వుతుంది. ఇప్పటికే మహేష్ బాబు, ప్రభాస్, పవన్ కళ్యాణ్ వంటి స్టార్ హీరోల సినిమాలు ముందస్తుగా విడుదల తేదీలను బుక్ చేసుకున్నాయి.
మహేష్ బాబు ప్రస్తుతం నటిస్తున్న సర్కారు వారి పాట సినిమా షూటింగ్ మొదలు పెట్టిన రెండు రోజుల్లోనే సినిమా యొక్క విడుదల తేదీని ప్రకటించింది. వచ్చే ఏడాది సంక్రాంతికి ఈ సినిమా రాబోతుంది. ఈసారి మహేష్ కు పోటీగా పవన్ కళ్యాణ్ కూడా సిద్దం అవ్వుతున్నాడు. సంక్రాంతి భరిలోకి హరిహర వీరమల్లు అనే సినిమాను తీసుకువస్తున్నాడు. ఈ చిత్రానికి క్రిష్ దర్శకత్వం వహిస్తున్నాడు.
సుకుమార్-విజయ్ దేవరకొండ, అల్లు అర్జున్ -కొరటాల శివ ల సినిమాలు వచ్చే ఏడాది విడుదల అవ్వనున్నాయి. కానీ డేట్స్ ను మాత్రం ప్రకటించలేదు. 2022 కూడా బుక్ అవ్వబోతుంది త్వరపడటం బెటర్ అని సినీ విశ్లేషకులు అభిప్రాయం వ్యక్తం చేస్తున్నారు. ప్రభాస్ సలార్ వచ్చే ఏడాది ఏప్రిల్ 16న రాబోతుంది. అలాగే అధిపురుష్ ఆగష్టు 14న విడుదల అవ్వుతుంది. ఈ విషయానికి ఇప్పటికే ఈ చిత్రాల యొక్క దర్శక నిర్మాతలు ప్రకటించారు