నాని హీరోగా నటించిన కృష్ణ గాడి వీర ప్రేమ గాద చిత్రం ద్వారా తెలుగు సినిమా పరిచయం అయిన పంజాబీ ముద్దుగుమ్మ మెహ్రీన్‌ పిర్జాదా. ఇక్కడ చాలా సూపర్ హిట్ చిత్రాలలో నటించి మంచి గుర్తింపు తెచ్చుకుంది. డజన్ సినిమాలకు పైగానే నటించింది. అందులో చాలా వరకు మంచి చిత్రాలే ఉన్నాయి. ప్రస్తుతం అనీల్ రావిపూడి దర్శకత్వంలో ఎఫ్3 చిత్రంలో కథానాయకగా నటిస్తుంది.
హీరోయిన్ గా మంచి ఫోజిషన్ లో ఉండగానే ఆమె తల్లి తండ్రులు వివాహం చెయ్యాలని నిర్ణయం తీసుకున్నారు. హర్యానా మాజీ ముఖ్యమంత్రి మనవడు భవ్య బిష్ణోయ్ తో మెహ్రీన్‌ పిర్జాదా పెళ్లిని ఫిక్స్ చేశారు. తాజాగా వివాహ వేడుకకు సంబందించి ముందస్తు నిశ్చితార్థ వేడుకను జైపూర్ లోని ఓ కోటలో బందువులు, సన్నిహితులు, స్నేహితుల అతి కొద్ది మంది మధ్యలోనే ఈ నిశ్చితార్థ వేడుక జరిగింది. త్వరలోనే వివాహా ముహూర్త తేదీని ప్రకటించనున్నారు.
పెళ్లి తర్వాత సినిమాల్లో నటిస్తుందా లేదా అనే విషయం పై ఇంకా ఎటువంటి క్లారిటి లేదు. ఎందుకు అంటే ఈ మధ్య పెళ్లి చేసుకున్నా కాజల్ అగర్వాల్ పెళ్లి చేసుకొని కూడా సినిమాల మీద సినిమాలు లైన్లో పెట్టింది. కాజల్ లాగా సినిమాలు చేస్తుందా లేకపోతే గృహిణిగా సెటిల్ అవ్వుతుందా అనే విషయం తెలియాలిసి ఉంది.