అక్కినేని హీరో నాగచైతన్య ప్రస్తుతం విక్రమ్ కే కుమార్ దర్శకత్వంలో థాంక్యూ అనే చిత్రంలో నటిస్తున్నాడు. నాని తో గ్యాంగ్ లీడర్ సినిమా తీసి ప్లాప్ ను మూటగట్టుకున్నాడు విక్రమ్. అయిన కానీ అయిన మీద ఉన్న నమ్మకంతోనే అయిన తో సినిమా చేయడానికి చైతు ముందుకు వచ్చాడు. ప్రస్తుతం ఈ చిత్రం యొక్క షూటింగ్ జరుగుతుంది. ఈ చిత్రాని దిల్ రాజు శ్రీ వేంకటేశ్వర క్రియేషన్స్ బ్యానర్ పై నిర్మిస్తున్నాడు. ఈ నేపథ్యంలో మరో చిత్రంలో నటించేందుకు గ్రీన్ సిగ్నల్ ఇచ్చాడు.
ఇలా నాని దారిలో చైతు కూడా వరస సినిమాలను లైన్లో పెడుతున్నాడు. పెళ్లి చూపులు, ఈ నగరానికి ఏమైంది, పిట్ట కథలు వంటి చిత్రాలకు దర్శకత్వం వహించిన తరుణ్ భాస్కర్ దర్శకత్వంలో నటించడానికి నాగ చైతన్య గ్రీన్ సిగ్నల్ ఇచ్చినట్లుగా తెలుస్తుంది. ఈ చిత్రంలో చైతు ఓ పవర్ ఫుల్ పోలీసు ఆఫీసర్ పాత్రలో కనిపిస్తాడని సమాచారం.
ప్రస్తుతం తరుణ్ భాస్కర్ స్క్రిప్ట్ వర్క్ ను పూర్తి చేసే పనిలో ఉన్నాడు. త్వరలోనే ఈ చిత్రం సెట్స్ పైకి వెళ్లనున్నది. యూత్ సినిమాలు తీసే తరుణ్, నాగ చైతన్య తో రూట్ ను మార్చేస్తున్నాడు. నాగ చైతన్య సినిమా విషయానికి వస్తే శేఖర్ కమ్ముల దర్శకత్వంలో లవ్ స్టోరీ అనే చిత్రాని పూర్తి చేశాడు. ఈ చిత్రంలో సాయి పల్లవి హీరోయిన్ గా నటించింది. ప్రేమకథా చిత్రంగా రూపొందింది. ఇప్పటికే ఈ చిత్రం నుండి విడుదలైన టీజర్ మరియు పాటలు ఆకట్టుకుంటున్నాయి. ఈ చిత్రానికి పవన్ సి‌హెచ్ సంగీతం అందిస్తున్నాడు. ఏప్రిల్ 16వ తేదీన ఈ చిత్రం విడుదల అవ్వుతుంది.