అనీష్ కృష్ణ దర్శకత్వంలో నట కిరీటీ రాజేంద్ర ప్రసాద్, శ్రీ విష్ణు లు నటించిన చిత్రం గాలి సంపత్. ఈ చిత్రంలో లవ్లీ సింగ్ హీరోయిన్ గా నటించింది. ఇప్పటికే ఈ చిత్రం నుండి విడుదలైన టీజర్, ట్రైలర్ ఆకట్టుకున్నాయి. ఈ చిత్రంలో హీరోయిన్ గా నటించిన లవ్లీ నటన కు, గ్లామర్ కు మాస్ మహారాజ్ క్లీన్ బొల్డ్ అయ్యాడు. అందుకే తన తదుపరి సినిమా కోసం ఆమెను తీసుకోబోతున్నట్లుగా వార్తలు వస్తున్నాయి. అయితే రవి తేజ ప్రస్తుతం ఖిలాడి చిత్రంలో నటిస్తున్నాడు.
ఈ చిత్రానికి రమేష్ వర్మ దర్శకత్వం వహిస్తున్నాడు. ఇద్దరు హీరోయిన్స్ ఈ చిత్రంలో నటిస్తున్నారు. మీనాక్షి చౌదరి, డింపల్ హాయాతి లు హీరోయిన్స్ గా నటిస్తున్నారు. ఈ చిత్రం నుండి ఫస్ట్ లుక్ మరియు ఫస్ట్ గ్లింప్స్ ఆకట్టుకుంటున్నాయి. దేవి శ్రీ ప్రసాద్ సంగీతం అందిస్తున్న ఈ చిత్రం మే 28న విడుదల అవ్వబోతుంది. ఈ నేపథ్యంలోనే రవి తేజ తన తదుపరి సినిమాను కూడా అనౌన్స్ చేశాడు. నక్కిన త్రినాదరావు దర్శకత్వంలో ఓ చిత్రంలో నటించనున్నాడు.
ఈ చిత్రం కోసం గాలి సంపత్ మూవీ హీరోయిన్ ను తీసుకోబోతున్నట్లుగా సమాచారం. ఇంతకు ఈమె నటించిన సినిమానే విడుదల కాలేదు అయిన అప్పుడే రవి తేజ సినిమాలో ఛాన్స్ కొట్టేసే అవకాశం ఉంది. ఇంకా చిత్ర బృందం నుండి ఎటువంటి అధికారిక ప్రకటన మాత్రం రాలేదు త్వరలో ప్రకటించే అవకాశం ఉంది. ఈ ఏడాది క్రాక్ చిత్రంతో మంచి హిట్టును కొట్టి మరల ట్రాక్ లోకి వచ్చిన మాస మహారాజ్ వరస సినిమాలను లైన్ లో పెడుతున్నాడు. ప్రస్తుతం నక్కిన స్క్రిప్ట్ వర్క్ మరియు ప్రీ ప్రొడక్షన్ పనిలో బిజీగా ఉన్నాడు.