సుకుమార్, అల్లు అర్జున్ కాంబినేషన్ లో రూపొందుతున్న హ్యాట్రిక్ మూవీ పుష్ప. గందపు చెక్కల స్మగ్లింగ్ నేపథ్యంలో ఈ చిత్రం తెరకెక్కుతుంది. అల్లు అర్జున్ ఈ చిత్రంలో పుష్పారాజ్ అనే లారీ డ్రైవర్ పాత్రలో కనిపిస్తాడని తెలుస్తుంది. ఈ చిత్రం కోసం అల్లు అర్జున్ ఇప్పటికే తన లుక్ ను కూడా మార్చుకున్నాడు. మాసిన జుట్టు, బాగా పెరిగిన గడ్డంతో ఇప్పటికే బన్నీ లుక్ ఆకట్టుకుంటుంది. ఈ నేపథ్యంలోనే బన్నీ ఈ చిత్రం కోసం తన ఫిజిక్ ను కూడా బాగా మెయిన్ టైన్ చేస్తున్నాడు.
అల్లు అర్జున్ తన డైలీ వ్యాయామం లో ఎటువంటి మార్పులు లేకుండా ఉండేందుకు తన పర్శనల్ ట్రైనర్ ను కూడా షూటింగ్ స్పాట్ కు తీసుకువెల్లుతున్నాడు. ఇది తన రోజువారి వ్యాయామం లో బాగంగా బన్నీ ఇలా చేస్తున్నాడు. అలాగే ఈ చిత్రం కోసం తన బాడిని కూడా బాగా డెవలప్ చేస్తున్నాడు. పుష్ప చిత్రం యొక్క షూటింగ్ విషయానికి వస్తే మారేడుమిల్లి అడవుల్లో రెండు నెలలు షూటింగ్ జరుపుకొని నెక్స్ట్ షెడ్యూల్ కోసం హైదరాబాద్ మరియు తమిళనాడు కు చెక్కేసింది. ప్రస్తుతం తమిళనాడులోని టెన్ కాశీలో షూటింగ్ జరుగుతుంది.
అక్కడే ఓ లాంగ్ రన్ షెడ్యూల్ ను జరపనున్నది. ఈ చిత్రం లో మొత్తం ఐదు గురు విలన్స్ పనిచేస్తున్నారు. అందులో కమిడియన్ సునీల్ కూడా ఉన్నాడు. మెయిన్ విలన్ కోసం సుకుమార్ సంప్రదింపులు జరుపుతున్నాడు. ఈ చిత్రంలో కన్నడ బ్యూటీ రష్మిక మందన్నా నటిస్తుంది. ఈ చిత్రం నుండి విడుదలైన ఫస్ట్ లుక్ లు ఆకట్టుకుంటున్నాయి. ఈ నేపథ్యంలో అల్లు అర్జున్ బర్త్ డే రోజున ఫస్ట్ గ్లింప్స్ గాని టీజర్ ను గాని విడుదల చేసే అవకాశం ఉంది. ఇప్పటికే పుష్ప టీమ్ లోని కొందరు దీనిపై వర్క్ చేస్తున్నారు. త్వరలోనే ఫైనలైజ్ చేసి సుకుమార్ కు చూపించనున్నారు. దేవి శ్రీ ప్రసాద్ స్వరాలు సమకూరుస్తున్నాడు. ఆగష్టు 13న ఈ చిత్రం విడుదల అవ్వుతుంది.