వరస సినిమా విజయాల దర్శకుడు కొరటాల శివ. ఆయన సారథ్యంలో రూపొందుతున్న చిత్రం ఆచార్య. చిరంజీవి ప్రధాన పాత్రలో నటిస్తున్నాడు. రామ్ చరణ్ మరో ముఖ్య పాత్రలో నటిస్తున్నాడు. తండ్రి కొడుకులు కలిసి నటిస్తున్న చిత్రం కావడంతో ఈ చిత్రంపై అంచనాలు భారీగా ఉన్నాయి ఈ నేపథ్యంలో ఈ చిత్రం యొక్క థియేట్రికల్ రైట్స్ తెలుగు రాష్ట్రాలలో 120 కోట్లకు పైగానే అమ్ముడు పోయాయి.
వరల్డ్ వైడ్ గా 140 కోట్లకు పైగానే బిజినెస్ చేసినట్లుగా సమాచారం. ఫిల్మ్ నగర్ నుండి అందుతున్న సమాచారం మేరకు ఈ చిత్రం యొక్క శాటిలైట్ రైట్స్ కోసం రెండు ప్రముఖ సంస్థలు పోటీ పడుతున్నాయి. అందులో సన్ టి‌వి జీ టి‌వి లు రెండు కూడా భారీ మొత్తంలో అమౌంట్ చెల్లించేందుకు సిద్దంగా ఉన్నాయి. మరి ఈ ఇద్దరిలో ఎవరు దక్కించుకుంటారో తెలియాలంటే మరి కొద్ది రోజులు అగాలిసిందే.
ఈ చిత్రంలో కాజల్ అగర్వాల్, పూజా హేగ్డే లు హీరోయిన్స్ గా నటిస్తున్నారు. ప్రస్తుతం మారేడు మిల్లీ అడవుల్లో ఈ చిత్రం యొక్క షూటింగ్ జరుగుతుంది. ఇంతకు ముందు పుష్ప చిత్రం యొక్క షూటింగ్ ఇక్కడే జరిగింది. పుష్ప టీమ్ అనుమతి తీసుకొని అదే సెట్ లో ఆచార్య షూటింగ్ జరుగుతుంది. ఇటీవల షూటింగ్ స్పాట్ నుండి విడుదలైన ఫోటోస్ సోషల్ మీడియాలో వైరల్ గా మారుతున్నాయి. బ్రూస్ లీ సినిమాలో కలిసి ఓ రెండు నిమిషాల పాటు కనిపించిన తండ్రి కొడుకులు.. ఆచార్యలో చాలా సేపు స్క్రీన్ ను షేర్ చేసుకొనున్నారు.