రాజమౌళి దర్శకత్వంలో ఆర్‌ఆర్‌ఆర్ అనే పాన్ ఇండియా మూవీ రూపొందుతున్న సంగతి అందరికి తెలిసిందే. ఈ చిత్రంలో ఎన్‌టి‌ఆర్ కొమురమ్ భీమ్ పాత్రలో నటిస్తుంటే రామ్ చరణ్ అల్లూరి సీతారామరాజు పాత్రలో నటిస్తున్నాడు. వీరికి జోడీగా అలియా సీత పాత్రలో నటిస్తుంటే, ఓలివియా జెన్నిఫర్ పాత్రలో నటిస్తుంది. అజయ్ దేవగన్, సముద్ర ఖని లు కీలక పాత్రలో నటిస్తున్నారు. ఇటీవల 50 రోజుల పాటుగా రాత్రి పగలు అనే తేడా లేకుండా నిరంతరం షూటింగ్ జరుపుకుంది.
ప్రస్తుతం రామోజీ ఫిల్మ్ సిటీ లో ఓ భారీ యాక్షన్ ఫైట్ ను చిత్రీకరిస్తున్నారు. దర్శకుడు రాజమౌళి హాలీవుడ్ నుండి యాక్షన్ దర్శకుడు ను ఈ చిత్రం యొక్క ఫైనల్ ఎపిసోడ్ కోసం పట్టుకొచ్చాడు ఆయనే నిక్ పావేల్. గతంలో గ్లాడియేటర్, ది బౌర్నే ఐడెంటిటీ, సిండరెలా మ్యాన్, ది లాస్ట్ సమురాయ్ వంటి చిత్రాలకు పనిచేశాడు. బాలీవుడ్ లో కంగనా రనౌత్ నటించిన మనికర్ణిక చిత్రానికి కూడా నిక్ పావేల్ పనిచేశాడు.
మరోసారి రాజమౌళి చిత్రం ఆర్‌ఆర్‌ఆర్ తో జత కట్టడం తో సినిమాపై అంచనాలు పెరిగాయి. ప్రస్తుతం ఆయన పర్యవేక్షణలో రామ్ చరణ్, ఎన్‌టి‌ఆర్ లపై యాక్షన్ సన్నివేశం షూటింగ్ జరుగుతుంది. ఇప్పటికే ఈ చిత్రం నుండి హీరోల టీజర్ లు విడుదలై ఆకట్టుకున్నాయి. లక్షలల్లో వ్యూస్ ను రాబట్టింది. ఈ చిత్రానికి ఎం‌ఎం కీరవాణి సంగీతం అందిస్తున్నాడు. డి‌వి‌వి దానయ్య 400 కోట్ల బడ్జెట్ తో డి‌వి‌వి ఎంటర్టైన్మెంట్ బ్యానర్ పై నిర్మిస్తున్నాడు. శాటిలైట్, థియేట్రికల్ రైట్స్ ను భారీ రేట్స్ కు అమ్మేస్తుంది. వరల్డ్ వైడ్ గా ఈ చిత్రం అక్టోబర్ 13న విడుదల చేస్తున్నారు.