రౌడీ స్టార్ విజయ్ దేవరకొండ ఏది చేసినా సెన్సేషనే. క్రేజీ లుక్స్ తో అమ్మాయిల హృదయాల్ని కొల్లగొట్టే ఈయన పాన్ ఇండియా చిత్రంగా రూపొందుతున్న లైగర్ లో నటిస్తున్నాడు. డాషింగ్ డైరెక్టర్ పూరీ జగన్నాథ్ ఈ చిత్రాన్ని తెరకెక్కిస్తున్నారు. ఇటీవల ఈ సినిమాకు సంబంధించిన ఫస్ట్ గ్లింప్స్ ను చిత్ర యూనిట్ విడుదల చేసింది. రౌడీ సినిమా అప్డేట్స్ కోసం ఆతురతగా ఎదురు చూస్తున్న అభిమానులకు ఓ మాంచి కానుక ఇచ్చిపడేశాడు. దానికి సాలిడ్ రెస్పాన్స్ వస్తోంది.
లైగర్ గ్లింప్స్ కు ప్రేక్షకుల మన్ననలు దక్కాయి. అందుకే విడుదల చేసిన ఒకరోజు అనగా 24 గంటల్లోనే ఏకంగా 15.92 మిలియన్ వ్యూస్ వచ్చాయి. ఏ ప్రాంతీయ చిత్రం, పాన్ ఇండియా చిత్రానికి మునుపెన్నడూ లేనివిధంగా వ్యూస్ ను దక్కించుకొని… ఏకంగా ఆల్ టైం ఇండియా రికార్డునే సెట్ చేసింది. అయితే గ్లింప్స్ తోనే ఈ భారీ తరహా రెస్పాన్స్ వచ్చిందంటే మరి రేపు సినిమాకు వచ్చే స్పందన గురించి ప్రత్యేకంగా చెప్పనక్కర్లేదు.
ఈ చిత్రంలో విజయ్ సరసన అనన్య పాండే రొమాన్స్ చేస్తోంది. మైక్ టైసన్ కీలక పాత్ర పోషిస్తున్న ఈ భారీ సినిమాను బాలీవుడ్ స్టార్ ప్రొడ్యూసర్ కరణ్ జోహర్, నిర్మాత ఛార్మీ కౌర్ నిర్మిస్తున్నారు. మాస్ అండ్ డాషింగ్ డైరెక్టర్ పూరీ, క్రేజీ అండ్ రౌడీ స్టార్ విజయ్ దేవరకొండ కాంబోలో తెరకెక్కుతున్న ఈ చిత్రం ఆగస్టు 25న ప్రేక్షకుల ముందుకు రానుంది. సాధారణంగా విజయ్ సినిమాల్లో ఓ మాంచి లవ్ స్టోరీ, రొమాన్స్ ఉంటుంది. అసలే ఈ మధ్య ఈయన చిత్రాలకు కాస్త్ గ్యాప్ ఎక్కువైంది. ఈ నేపథ్యంలో ఈ క్రేజీ చిత్రంపై అంచనాలు తారస్థాయిలో ఉన్నాయి. పైగా గ్లింప్స్ రికార్డుతో అవి రెట్టింపు అయ్యాయి.